Artigos coa etiqueta: asde

Presencia do Grupo Chan na VIII Conferencia Federal

Os pasados días 3 a 5 de abril celebrouse a VIII Conferencia Scout de ASDE-Scouts de España. Un evento de máxima importancia xa que nel se definen as liñas e políticas estratéxicas para os vindeiros anos, mediante un proceso de participación e traballo colaborativo entre delegados de todas as organizacións federadas en ASDE.

A nosa federación ASDE-Scouts de Galicia estivo por suposto representada e participando activamente nas dúas ponencias que se propuxeron nesta ocasión: “Novas necesidades = Nova Organización”, que aborda a estrutura da nosa entidade, e “Xestionando a seguridade no escultismo” que desenvolve un sistema de prevención de riscos nas actividades scouts.

Pablo Álvarez (esquerda) e Diego Cobos, Presidente de ASDE-Scouts de España (dereita)

E precisamente no Grupo Scout Chan 292 estamos moi felices e orgullosos do traballo desenvolvido por Pablo Álvarez, xa que foi el quen recibiu o encargo de coordinar a elaboración do documento dunha das ponencias a debate. Esta é a segunda vez na historia que un membro de ASDE-Scouts de Galicia e do noso Grupo Chan asume unha tarefa desta importancia e responsabilidade (na VII Conferencia, en 2012, fora Tanis Villar).

Queremos por tanto agradecer públicamente a Pablo todo o seu esforzo e dedicación para prestar unha vez mais un gran servizo á toda a nosa federación.

Sempre Adiante

Categorías: ASDE-Scouts de Galicia, Grupo | Etiquetas: ,,, | Deixar un comentario

O Día do Scouter e visita do Director de Xuventude

ASDE – Scouts de Galicia celebrou o pasado domingo 25 de novembro a súa Asemblea Scout Xeral ordinaria, na que por suposto participaron representantes do noso Grupo Scout Chan.

Contouse coa visita do director xeral de Xuventude da Xunta de Galicia, Ovidio Rodeiro, de cara a celebrar o Día do Scouter, promovido desde ASDE – Scouts de España.

O director xeral recibiu de mans do Presidente Scout Xeral, Javier Castro, e do Coordinador de Recursos Humanos, Iván Arceo, o cheque do voluntariado,(imaxe da dereita) para reflexar dun xeito simbólico o esforzo dos educadores de ASDE – Scouts de Galicia. Os 112 voluntarios que traballan hoxe coa federación suman, aproximadamente, 39.000 horas ao ano de traballo, o que aforra un gasto duns 160.000 euros.

Asimesmo aproveitouse a ocasión para agasallarlle co pano branco e azul que identifica a ASDE – Scouts de Galicia

O Director Xeral de Xuventude ensalzou a labor dos scouts, felicitándoos polo seu centenario. Destacou que se trata da organización xuvenil meirande do planeta con uns 30 millóns de membros.

Scouters de ASDE-Scouts de Galicia co Director Xeral de Xuventude

Máis iniciativas para celebrar o Dia do Scouter: http://www.scout.es/el-dia-del-scouter/

#graciasscouter

Categorías: ASDE-Scouts de Galicia, Grupo | Etiquetas: ,,, | Deixar un comentario

Participamos no Campamento Federal de Escultas en Tenerife

Como xa sabedes, os escultas do noso Grupo participaron no Campamento Federal de Escultas celebrado en Tenerife o pasado mes de agosto. Alí puideron compartir experiencias con outros escultas, mozas e mozos, chegados dende tódolos rincóns de España, das diferentes organizacións que integramos ASDE-Scouts de España. Unha formidable maneira de celebrar os 100 anos da chegada do escultismo a Galicia e a España.

Aquí tedes unha imaxe dos nosos escultas no aeroporto de Tenerife, antes de emprender a súa viaxe de regreso, e a continuación a valoración que fai unha das súas scouters:

“Proxecto Blue Banana”, así comezou todo, buscando un nome ao proxecto na que a Unidade Esculta do Grupo Scout Chan 292 traballaría durante todo o ano e levaríaos ao Campamento Federal de Escultas en Tenerife.

Como scouter é difícil resumir ou expresar o que viviron os nosos rapaces nese nove días.  Pasando por un nerviosismo inicial, que non lles deixaba durmir durante a nosa espera de máis de 12h no aeroporto de Madrid para coller o seguinte voo destino Tenerife, até o momento da despedida entre prantos, abrazos, sorrisos…  É moito o que viviron, compartido, gozado e moito son os recordos e amigos que levan.

A verdade non é difícil facer amigos cando se comparte un mesmo ideal e unha forma de vida como é o escultismo, este é un forte lazo de unión que os fai sentirse unha verdadeira unidade.
Grazas a todas aquelas persoas que fixeron que este campamento fose posible, sabemos que o traballo que hai detrás é moito. Pero que o compensa vendo aos rapaces cun sorriso permanente. Grazas por regalarnos momentos como ver amencer no Teide!
Nunu
Scouter da UE do Grupo Scout  Chan 292
SLPS

Categorías: ASDE-Scouts de Galicia, Unidade Esculta | Etiquetas: ,,, | Deixar un comentario

O Grupo Chan colabora na Pegada Scout

Tal e como viñamos comentando nesta páxina e nas redes sociais, o sábado pasado o Grupo Scout Chan participou nas tarefas de servizo medioambiental levadas a cabo por ASDE-Scouts de Galicia no proxecto Pegada Scout.

O plan de traballo incluía, entre outras accións, a limpeza dun área recreativa, o arranxo da sinalización do roteiro PR97 e a prantación de varios exemplares de especies árboreas autóctonas. Todo isto no marco do Lugar de Importancia Comunitaria de Abegondo-Cecebre, que forma parte da Rede Natura 2000 e poucos días antes do Día Mundial do Medio Ambiente (5 de xuño).

Dous scouters do Grupo Chan, Pablo e Prisco (de dereita a esq.) conversan co Director Xeral de Xuventude (centro) e o Alcalde de Abegondo (esq.)

O proxecto foi realizado coa colaboración da Dirección Xeral de Xuventude de Galicia e o Concello de Abegondo.

Nesta importante actividade participaron tamén os Grupos 19 e Vasco da Ponte (Ferrol), San Jorge e Semente (A Coruña)

A Pegada Scout (Huella Scout) forma parte do programa de actividades e eventos que estamos a desenvolver este ano 2012 para conmemorar o 100º aniversario da creación dos scouts en Galicia e España

Categorías: ASDE-Scouts de Galicia, Grupo | Etiquetas: ,,,,,,, | Deixar un comentario

Crea un sitio web ou un blogue de balde en WordPress.com.