Artigos coa etiqueta: asde-scouts de españa

A bandeira scout lucirá no noso Concello no #ScoutFoundersDay #SiempreScout

Posiblemente xa saibades (e se non, volo recordamos) que o día 22 de febreiro é un día moi importante no escultismo xa que celebramos o Día do Fundador xa que foi nesta data cando naceu Baden Powell.

É unha xornada na que scouts de TODO O MUNDO lembramos os valores que compartimos e a ilusión por #ConstruirUnMundoMellor.

E con tan importante motivo queremos compartir con todos e todas vós varias cousas:

O primeiro de todo, anunciarvos que durante este día tan importante para toda a gran familia scout a bandeira internacional do noso movemento lucirá no mesmísimo Pazo de Raxoi  grazas á colaboración do Concello de Santiago de Compostela.

Tamén lucirá a bandeira nos Concellos doutras cidades galegas como A Coruña, Ferrol e Ourense e noutras moitas do resto de España.

En segundo lugar queremos anirmavos a todos e todas a que compartades a través de Twitter e Instagram unha imaxe e unha mensaxe para dicirlle a todo o mundo por qué sodes scouts, qué valores vos parecen máis importantes. Empregade a etiqueta #SiempreScout

E finalmente aquí tedes (insertámolo ao pé desta entrada) un video elaborado pola Oficina Mundial do Movemento Scout con motivo desde Día do Fundador, ou, como se citará nas redes a nivel internacional, #ScoutFoundersDay.

E tamén vos deixamos a ligazón a unha páxina web especialmenta creada pola Oficina Mundial para que poñades a proba os vosos coñecementos sobre BP: https://worldscouting.typeform.com/to/IGQG5c

Categorías: ASDE-Scouts de Galicia, Grupo | Etiquetas: ,,, | Deixar un comentario

#ScoutSiempre Día do Pensamento Scout

Hoxe, 22 de febreiro, no que sería o cumpreanos de Baden-Powell, fundador do escultismo, os e as scouts de todo o mundo estamos de celebración, con motivo do “Día do Fundador” (Founder´s Day) e do “Día Mundial do Pensamento” (World Thinking Day). 40 millóns de scouts en todo o mundo reflexionamos este día sobre a nosa pertenza a un movemento que irmanda a tantos países e culturas diferentes, achegando a súa visión particular do que é o Escultismo e reflexionando sobre a súa mensaxe.

ScoutSiempre.png

Queremos visibilizar nas redes sociais por que somos scouts mediante o hashtag #ScoutSiempre, sendo este día unha oportunidade para mostrar ao mundo o noso labor scout, a nosa maneira de vivir e sentir o Escultismo e a nosa elección persoal neste modo de vida.

Durante este fin de semana fixéronse varios actos en diferentes lugares de toda España. De feito varias cidades (comezando por Madrid e varias das súas Xuntas de Distrito) súmanse á celebración deste día colgando dos seus balcóns a bandeira scout e realizado actividades reivindicando os valores que defende o escultismo.

E lembrade, Scout un día, Scout toda a vida.

Categorías: ASDE-Scouts de Galicia, Grupo, Uncategorized | Etiquetas: ,,,,, | Deixar un comentario

Unha Asamblea Scout moi especial

Os días 21 e 22 de novembro celebrouse en Guadarrama (Madrid) a Asamblea Scout, máximo órgano de participación e decisión de ASDE Scouts de España, Tamén tiveron lugar outros eventos como a final do Festival de Cortos e de Fotos Scouts, o 9º Foro Rover e a entrega de 3 Medallas ao Mérito Scout.

A nosa representación na Asamblea Scout

A representación de ASDE-Scouts de Galicia na Asamblea Scout -de esquerda a dereita-: Prisco e Pablo, (ambos do GS Chan 292) e Toni (GS Vasco da Ponte 636)

No marco da Asamblea, ademais de diversos temas de debate e traballo de importancia, o asunto sen dúbida máis relevante o constituían as eleccións ao novo Equipo Scout (órgano de voluntarios e voluntarias que asume a función de coordinar a federación).

Estamos moi, moi felices e orgullosos do noso compañeiro Pablo Álvarez, un dos voluntarios do noso Grupo Scout Chan, quen formará parte do Equipo Scout, como membro da candidatura más ASDE que resultou elixida. Pablo asume o cargo de Coordinador de Voluntariado e Formación. É a primeira vez na historia que un membro do Grupo Scout Chan entra a formar parte dun Equipo Scout (e a segunda que o fai unha persoa da nosa federación ASDE – Scouts de Galicia)

¡Noraboa Pablo! Conta co noso total apoio neste novo reto. Sempre adiante

Pablo Álvarez, novo Coordinador de Voluntariado e Formación

Pablo Álvarez, sendo investido como membro do Equipo Scout

Categorías: ASDE-Scouts de Galicia, Grupo | Etiquetas: ,, | Deixar un comentario

Así foi o #FestivalScoutGalego2015: gañamos!

Máis de 200 nenos, nenas, mozos e voluntarios scouts se reuniron o pasado sábado en Santiago de Compostela para compartir unha xornada de convivencia repleta de actividades, que culminou coa XXXV edición do Festival Scout Galego.

#FestivalScoutGalego2015

IMG_1430
Acudiron os Grupos Scouts 19 (Ferrol), San Jorge 33 e Semente 597 (ambos de A Coruña) e tamén unha delegación do recentemente creado Grupo Scout Tesela 922 (Lugo). O noso Grupo Chan 292 de Santiago exerceu o papel de anfitrión.
Os scouts asistentes foron recibidos no patio do colexio La Salle por Laura Morales, coordinadora do Festival, e Adrián Martínez, coordinador do Grupo Chan, ámbolos dous educadores voluntarios.
Durante a mañá os nenos e nenas máis novos (Castores, Manada e Tropa Scout) puideron desfrutar de xogos tradicionais como as carrilanas, a chave, a rá, a comba, a sogatira, e moitos máis grazas á colaboración da Asociación Galega do Xogo Popular e Tradicional que nos fixo desfrutar como ananos!
Os mozos e mozas de Unidade Esculta e Clan, pola súa banda, aproveitaron a tregua que deu a nosa choiva compostelana para poder realizar unha visita ás cubertas da Catedral de Santiago, onde desfrutaron dunhas vistas espectaculares da cidade.IMG_1475
Xa pola tarde tivo lugar o certame musical nas instalacións que o Colexio La Salle cedeu gustosamente, e tivemos o honor de contar coa asistencia de autoridades como Dª María Begoña Mosteiro Blanco, subdirectora xeral do Instituto da Xuventude de Galicia, e Dª Yolanda Otero Balsa, subdirectora de Promoción e Actividades da Dirección Xeral de Xuventude. Tamén acudiron familiares e amigos dos rapaces.
A pesar de que este ano tan só había 3 cancións a concurso (as dos Grupos San Jorge 33, Chan 292 e Semente 597), o Festival foi moi ameno e emocionante, gracias a participación e colaboración de todos e todas. A presentación do certame foi asumida polo Clan “Tayali” de Rovers do Grupo Chan, que realizou unha serie de fermosos videos para presentar aos distintos Grupos participantes. En cada video se podía observar como os Rovers elaboraban mediante diferentes manualidades as pañoletas de cada Grupo. E así foron sucedéndose as actuacións musicais, no escenario marabillosamente ambientado e decorado polo Comité de Nais e Pais do noso Grupo Chan.
Ao fin chegou o momento da deliberación, que se realiza mediante unha votación na que todos os scouts asistentes poden opinar cal foi a canción que máis lles gustou, tendo a mesma importancia o voto do pequeno e do maior.
O resultado do reconto final das papeletas foi anunciado polo Presidente Scout Xeral, Adrián Rodríguez, e deu como gañadora á nosa canción, e polo tanto teremos a misión de representar ao resto de Grupos scouts galegos no vindeiro Festival Scout estatal de 2016.IMG_1688
E non esquenzades que a semana próxima terá lugar en Pinto (Madrid) o XLI Festival Scout de ASDE-Scouts de España  , no que o Grupo 19 de Ferrol nos representará a todos e todas os scouts de ASDE-Scouts de Galicia, e por iso lles desexamos ¡moita sorte e moi boa ruta!
Categorías: ASDE-Scouts de Galicia, Grupo | Etiquetas: ,,, | Deixar un comentario

Blog en WordPress.com.