Nos scouts non realizamos actividades illadas e puntuais senón que en realidade desenvolvemos todo un programa educativo que afronta dun xeito integral todas as dimensións da persoa e tódolos ámbitos educativos nos que cremos que se deben formar e medrar os rapaces e rapazas. Isto levámolo a cabo en base a unha programación específica anual que se asenta sobre os principios dunha serie de documentos e ferramentas amplas e integrais que revisamos periódicamente, e estando sempre atentos a cales poden ser as prinicipais necesidades educativas dos nenos, nenas e mozos cos que traballamos no Grupo.
Deste xeito conquerimos un seguimento persoalizado da evolución de cada un dos rapaces e rapazas que forman parte do Grupo Scout, ó longo da súa traxectoria dentro do mesmo, ano tras ano.
Así, aplicando os principios fundamentais da nosa metodoloxía de traballo (orixinal e en certo modo imitada en varios ámbitos), realizamos unha infinidade de actividades diferentes, sempre primando o contacto coa natureza, ó aire libre, das cales algunhas das máis frecuentes poden ser:
Xogos (ferramenta fundamental e válida para a transmisión de contidos e valores)
Obradoiros (aprendemos a facer cousas e a desenvolver todo tipo de técnicas,etc)
Accións de servizo (ensinamos ós rapaces a ser voluntarios, poñéndoo en práctica)
Saídas e marchas (dunha xornada)
Acampadas (fins de semana, períodos festivos…)
Campamentos de verán (dúas semanas en xullo)