O Grupo Scout Chan 292

Nos scouts a unidade básica de organización é o Grupo Scout, onde as rapazas e rapaces están agrupados segundo as súas idades, acompañados dun colectivo de educadores scouts voluntarios que son os responsables do Grupo e de desenvolver a labor educativa dos rapaces. Os pais dos rapaces tamén colaboran co Grupo apoiando a organización dalgunhas actividades.

O Grupo Scout 292 Chan (Ashanti 523 integrado)

O Grupo Chan está legalmente constituído como asociación, como unha entidade prestadora de servizos e sen ánimo de lucro. O noso obxectivo é a educación no tempo de lecer de nenos, nenas e rapaces entre os 8 aos 21 anos baixo os valores e o método do escultismo.

O Grupo Scout Chan pertence a ASDE-Scouts de Galicia e a través desta, a ASDE-Scouts de España e polo tanto forma parte do escultismo plural recoñecido pola Organización Mundial do Movemento Scout (WOMS).

O Grupo Scout Chan 292 foi fundado en Santiago en 1975. Nesta cidade creouse outro grupo en 1990 o Ashanti 523, pero en 2006 cesou a súa actividade, integrándose os seus rapaces e educadores no Chan.

Levamos polo tanto máis de 35 anos educando a nenos e rapaces. Educamos no tempo de lecer a través o traballo en equipo, o contacto co medioambiente, a coeducación, a acción social e os valores (tolerancia, respeto, igualdade, solidariedade…) procurando que os rapaces se convertan en cidadáns útiles e con inquedanzas por tratar de mellorar o mundo que os rodea, que se convertan en potenciais voluntarios.

Na sección de “Descargas” podes descargar o documento “Proxecto Educativo”, que vén a presentar que é, como se orgnaiza e que obsxectivos educativos se marca o Grupo Scout Chan 292.