Lobatos

A Manada é a sección dos nenos e nenas máis cativos no Grupo Chan. Teñen entre 8 e 11 anos.

Todo o traballo educativo na Manada se desenvolve nunha ambientación máxica inspirada na coñecida obra de Rudyard Kipling, “O Libro da Selva“.

Deste xeito os membros da Manada chámanse “Lobatos“. O seu lema é “faremos o mellor“.

Os lobatos e lobatas aprenden a medrar coa axuda dos seus  “Vellos Lobos” (que serán os educadores adultos).

Nesta etapa os nenos e nenas aprenden a convivir, repártense responsabilidades e aprenden a traballar xuntos, despregando os seus hábitos sociais e responsabilizándose da súa tarefa.

A través do xogo, o lobato aprende a quererse e respectarse a si mesmo, e a querer e respectar aos demáis. Vai adquirindo tamén os seus propios valores persoais que lle acompañarán toda a súa vida.

A través de obradoiros inícianse en destrezas e habilidades, e a través de excursións e campamentos, a desenvolverse por sí mesmos de maneira cada vez máis autónoma.

Atrás

Inicio