Arquivo por autores: Grupo Scout Chan

Descubre o que somos, descubre o que facemos. Somos Scouts

¡E por fin se descubre a sorpresa que nos estaba a preparar ASDE Scouts de España! ¡¡Non nos podes gustar mais!! 😄😍
Esperamos que vos guste moito tamén a tod@s vós!

Descubre o que somos, descubre o que facemos. Somos Scouts.

Sacamos do noso macuto un proxecto cargado de ilusión, que esperamos que disfrutedes e que difundades para contarlle ao mundo porque estamos tan orgullosas e orgullosos de ser Scouts. Descubre o que somos, descubre o que facemos. Somos Scouts.

¡¡COMPARTE E DIFUNDE!!

Na canle de Youtube de ASDE Scouts de España tedes versións tamén en castelán (subtitulada en castelán e en inglés), euskera e catalán.

#SomosScouts #SonScout #SoyScout

Advertisements
Categorías: ASDE-Scouts de Galicia, Grupo | Etiquetas: ,,,,,,,,,, | 1 Comentario

¡¡Ven a compartir con nós o remate de ronda coa #Chandaina2017 e a #SardiñadaChan2017!!

Boas a todos/as!

Estamos na recta final de ronda e temos preparadas dúas actividades coas que queremos convidarvos a todos e todas a participar! #Chandaina2017 e #SardiñadaChan2017

Reservade data! O vindeiro Sábado 10 de Xuño vai ser unha festa! Teremos a #Chandaina2017 polos arredores de Busto en horario de mañá e a xa tradicional Sardiñada Scout. #SardiñadaChan2017

¡É moi importante que confirmedes a vosa asistencia!:

**Ás inscripcións á Chandaina teranse que facer por correo electrónico a: coordinacionchan292@gmail.com ou aos correos dos scouters de sección (ata martes 6 de Xuño).

**Ás inscricións para a comida da Sardiñada serán ao correo: comitechan@gmail.com xa que o Comité de Pais e Nais é quen organiza esta actividade (tamén a poder ser para martes 6 de Xuño).

Esperamos que antigos membros do Grupo, familiares, amigos e amigas poidades vir a toda a xornada e xuntarnos un montón de xente para culminar unha ronda que foi estupenda 😉

Tedes todos os detalles nos Eventos correspondentes que acabamos de crear en Facebook:
Evento #Chandaina2017

Evento #SardiñadaChan2017
Calqueira dúbida, contactade cos scouters por teléfono ou correo.

Unha aperta,
O Kraal

Categorías: Grupo | Etiquetas: | Deixar un comentario

A actitude de deixar as cousas mellor de como se atopan

dsc_1435Como xa sabedes estes días 25 e 26 de febreiro o Grupo Scout Chan estamos a desfrutar dunha das actividades que máis nos gusta: ¡saír de acampada!

 

Estamos desfrutando da nosa xa tradicional Acampada conxunta de Entroido, todos os rapaces e rapazas do Grupo Scout Chan xuntos, nesta ocasión visitando por primeira vez o Centro Scout de Abeiro (Compostela) que teñen os nosos irmáns e irmás scouts da outra asociación scout galega: Escultismo Católico Galego.

 

Os mozos e mozas da nosa Unidade Esculta e o noso Clan de Rovers realizaron unha acción de servizo durante a mañá do sábado. Os scouts deixamos as cousas mellor de como as atopamos e por iso quixeron colaborar co Centro Scout Abeiro montando un toldo fixo e rematando de acondicionar unhas ventás do edificio principal.

Aquí vos deixamos unhas fotos:

dsc_1406
dsc_1407
Categorías: Clan, Grupo, Unidade Esculta | Etiquetas: ,,, | 1 Comentario

A bandeira scout lucirá no noso Concello no #ScoutFoundersDay #SiempreScout

Posiblemente xa saibades (e se non, volo recordamos) que o día 22 de febreiro é un día moi importante no escultismo xa que celebramos o Día do Fundador xa que foi nesta data cando naceu Baden Powell.

É unha xornada na que scouts de TODO O MUNDO lembramos os valores que compartimos e a ilusión por #ConstruirUnMundoMellor.

E con tan importante motivo queremos compartir con todos e todas vós varias cousas:

O primeiro de todo, anunciarvos que durante este día tan importante para toda a gran familia scout a bandeira internacional do noso movemento lucirá no mesmísimo Pazo de Raxoi  grazas á colaboración do Concello de Santiago de Compostela.

Tamén lucirá a bandeira nos Concellos doutras cidades galegas como A Coruña, Ferrol e Ourense e noutras moitas do resto de España.

En segundo lugar queremos anirmavos a todos e todas a que compartades a través de Twitter e Instagram unha imaxe e unha mensaxe para dicirlle a todo o mundo por qué sodes scouts, qué valores vos parecen máis importantes. Empregade a etiqueta #SiempreScout

E finalmente aquí tedes (insertámolo ao pé desta entrada) un video elaborado pola Oficina Mundial do Movemento Scout con motivo desde Día do Fundador, ou, como se citará nas redes a nivel internacional, #ScoutFoundersDay.

E tamén vos deixamos a ligazón a unha páxina web especialmenta creada pola Oficina Mundial para que poñades a proba os vosos coñecementos sobre BP: https://worldscouting.typeform.com/to/IGQG5c

Categorías: ASDE-Scouts de Galicia, Grupo | Etiquetas: ,,, | Deixar un comentario

Crea un sitio web ou un blogue de balde en WordPress.com.