Uncategorized

Voltamos á carga!

Publicado o 05/11/2019 por Grupo Scout Chan

O pasado 12 e 13 de Outubro de 2019, tivemos a nosa tradicional Acampada de Ramas que despide unha ronda e da comezo á seguinte…

Dende ese momento, foi un non parar de actividades, reunións, formacións, xogos, saídas,… Un non parar de diversión e escultismo!

O noso Kraal acudiu a varios cursos de formación para seguir aprendendo e mellorando a nosa calidade educativa, e contribuindo a #ConstruirUnMundoMellor en cada un dos espazos de participación de Scouts de Galicia. Como o Foro de Scouters, as Asambleas e Consellos.

Pero é que os lobatos/as, scouts, escultas e rovers,… non se quedan atrás! No último mes retomaron con moitísima enerxía todas a rutina do Grupo, marcándose novos retos a conseguir para superarse día a día un pouco máis.

E so acabamos de comezar! Este ano chega forte!

Categorías: Castores, Clan, Grupo, Kraal, Manada, Tropa Scout, Uncategorized, Unidade Esculta | Deixar un comentario

De campamento con 5000 moz@s de toda Europa #RW2016

Publicado o 10/10/2016 por Grupo Scout Chan

Unha das aventuras máis interesantes que che pode ofrecer o pertencer a un Grupo Scout é participar nunha actividade internacional, con rapaces e rapazas de distintas culturas e idiomas pero cos que compartimos uns mesmos valores e ideais scouts.

Este pasado verán tivo lugar en Francia a Roverway 2016 que acolleu durante 11 días a 5000 mozos e mozas Rover pertencentes a centos de Grupos Scouts de toda Europa.

Tivemos a gran sorte de que o noso Grupo estivo alí presente e moi representado pola nosa rover Laura que formou parte do continxente de mozos e mozas doutros Grupos de ASDE – Scouts de Galicia e o resto de ASDE Scouts de España

Aquí vos deixamos un video que vos conta cómo se organiza, cómo funciona e sobre todo cómo se vive dende dentro un campamento coma este. Estade atentos porque tamén aparece a nosa rover Laura (arredor do min 8:30) compartindo con todos nós as súas experiencias na Roverway:

Máis información: http://scout.es/asi-fue-la-rw2016/

Máis videos da Roverway 2016 : https://www.youtube.com/channel/UCcp4cNWoWBlx0rh_o8XfdOQ/videos

Máis historias e anécdotas da Roverway 2016: https://storify.com/roverway2016/5000-cultures-rw2016

Categorías: Uncategorized | Deixar un comentario

#ScoutSiempre Día do Pensamento Scout

Publicado o 22/02/2016 por Grupo Scout Chan

Hoxe, 22 de febreiro, no que sería o cumpreanos de Baden-Powell, fundador do escultismo, os e as scouts de todo o mundo estamos de celebración, con motivo do “Día do Fundador” (Founder´s Day) e do “Día Mundial do Pensamento” (World Thinking Day). 40 millóns de scouts en todo o mundo reflexionamos este día sobre a nosa pertenza a un movemento que irmanda a tantos países e culturas diferentes, achegando a súa visión particular do que é o Escultismo e reflexionando sobre a súa mensaxe.

Queremos visibilizar nas redes sociais por que somos scouts mediante o hashtag #ScoutSiempre, sendo este día unha oportunidade para mostrar ao mundo o noso labor scout, a nosa maneira de vivir e sentir o Escultismo e a nosa elección persoal neste modo de vida.

Durante este fin de semana fixéronse varios actos en diferentes lugares de toda España. De feito varias cidades (comezando por Madrid e varias das súas Xuntas de Distrito) súmanse á celebración deste día colgando dos seus balcóns a bandeira scout e realizado actividades reivindicando os valores que defende o escultismo.

E lembrade, Scout un día, Scout toda a vida.

Categorías: ASDE-Scouts de Galicia, Grupo, Uncategorized | Etiquetas: asde-scouts de españa,asde-scouts de galicia,compromiso,escultismo,scout,voluntariado | Deixar un comentario

¿Sabes canto tempo tarda en desaparecer o lixo que se tira no campo?

Publicado o 15/08/2015 por Grupo Scout Chan

¿Sabes canto tempo tarda en desaparecer o lixo que tiras no campo?

Compartimos con tod@s vós unha nota que nos parece moi interesante. Trátase dun documento que nos fai reflexionar sobre o tempo real que tarda a Natureza en asimilar o lixo que deberiamos meter nunha bolsa e levar o contenedor axeitado.

Este pequeno documento foi repartido pola plataforma SOS Pedriza e compartido por redes sociais por milleiros de persoas.

S.O.S. Pedriza és unha plataforma de voluntarios que quere promover e reclamar o coidado e limpeza dunha zona (La Pedriza) do novo Parque Nacional da Serra de Guadarrama, que cada fin de semana se enche de turistas e, tamén, de lixo.

‪#‎MonteGalegoLimpo‬ ‪#‎NaturezaSenLixo‬ ‪#‎ConstruirUnMundoMellor‬

Fonte: VERNE, diario El País

Categorías: Uncategorized | Etiquetas: natureza,servizo | Deixar un comentario