Artigos coa etiqueta: escultismo

Descubre o que somos, descubre o que facemos. Somos Scouts

¡E por fin se descubre a sorpresa que nos estaba a preparar ASDE Scouts de España! ¡¡Non nos podes gustar mais!! 😄😍
Esperamos que vos guste moito tamén a tod@s vós!

Descubre o que somos, descubre o que facemos. Somos Scouts.

Sacamos do noso macuto un proxecto cargado de ilusión, que esperamos que disfrutedes e que difundades para contarlle ao mundo porque estamos tan orgullosas e orgullosos de ser Scouts. Descubre o que somos, descubre o que facemos. Somos Scouts.

¡¡COMPARTE E DIFUNDE!!

Na canle de Youtube de ASDE Scouts de España tedes versións tamén en castelán (subtitulada en castelán e en inglés), euskera e catalán.

#SomosScouts #SonScout #SoyScout

Advertisements
Categorías: ASDE-Scouts de Galicia, Grupo | Etiquetas: ,,,,,,,,,, | 1 Comentario

A bandeira scout lucirá no noso Concello no #ScoutFoundersDay #SiempreScout

Posiblemente xa saibades (e se non, volo recordamos) que o día 22 de febreiro é un día moi importante no escultismo xa que celebramos o Día do Fundador xa que foi nesta data cando naceu Baden Powell.

É unha xornada na que scouts de TODO O MUNDO lembramos os valores que compartimos e a ilusión por #ConstruirUnMundoMellor.

E con tan importante motivo queremos compartir con todos e todas vós varias cousas:

O primeiro de todo, anunciarvos que durante este día tan importante para toda a gran familia scout a bandeira internacional do noso movemento lucirá no mesmísimo Pazo de Raxoi  grazas á colaboración do Concello de Santiago de Compostela.

Tamén lucirá a bandeira nos Concellos doutras cidades galegas como A Coruña, Ferrol e Ourense e noutras moitas do resto de España.

En segundo lugar queremos anirmavos a todos e todas a que compartades a través de Twitter e Instagram unha imaxe e unha mensaxe para dicirlle a todo o mundo por qué sodes scouts, qué valores vos parecen máis importantes. Empregade a etiqueta #SiempreScout

E finalmente aquí tedes (insertámolo ao pé desta entrada) un video elaborado pola Oficina Mundial do Movemento Scout con motivo desde Día do Fundador, ou, como se citará nas redes a nivel internacional, #ScoutFoundersDay.

E tamén vos deixamos a ligazón a unha páxina web especialmenta creada pola Oficina Mundial para que poñades a proba os vosos coñecementos sobre BP: https://worldscouting.typeform.com/to/IGQG5c

Categorías: ASDE-Scouts de Galicia, Grupo | Etiquetas: ,,, | Deixar un comentario

Primeira entrega Historia do Grupo Scout Chan 292

Dentro da Comisión de voluntarios e voluntarias que están apoiando ao Kraal do Grupo na organización das actividades do XL aniversario do Grupo Scout Chan 292 existe un grupo de traballo específico enfocado na recopilación de documentos e imaxes históricos. O obxectivo non é outro que recuperar (na medida do posible) a memoria histórica do noso Grupo e documentala de forma que poidamos arquivalo todo de novo e desfrutar todos de tantas e tantas lembranzas.

Para poder facervos a todos e todas partícipes e coñecedores dalgúns dos momentos máis importantes desta longa andaina do Grupo Scout Chan temos previsto ir publicando nesta web unha serie de capítulos que recollan a esencia desa historia: a fundación, o crecemento do Grupo, lembranzas, imaxes curiosas, anécdotas, colaboracións e apoios fundamentais, acampadas, rutas, algo de choiva de cando en vez…etc. Unha historia de centos de familias, nenos, nenas, decenas e decenas de voluntarios e voluntarias animados polo espíritu scout de servizo e a inquedanza de deixar as cousas mellor de como as atoparon. Unha historia de xentes de Compostela que quixeron e queren construir un mundo mellor no seu entorno máis cercano. A historia do Grupo Scout Chan 292.  A nosa historia, a túa historia.

Velaquí vos deixamos o prometido, a primeira entrega. Esperamos que vos guste.

A historia do Grupo Scout Chan 292
Capítulo I: A prehistoria

É importante situar o contexto histórico do Escultismo en España no momento en que se formou o Grupo Scout Chan, nos primeiros anos despois da morte de Franco. Débese recordar que a Asociación Nacional de Exploradores de España (ANEDE) fora oficialmente suspendida polo réxime en 1940 e que o Escultismo continuou en España durante o franquismo gracias a moitos apoios da sociedade civil e relixiosa así como a unha certa tolerancia das autoridades do réxime, que destinaba tódolos medios a súa propia organización xuvenil oficial, a OJE. Deste modo a Asociación de Scouts de España (Exploradores de España)  non foi legalizada polo entón Ministerio da Gobernación ata o 31 de Xaneiro de 1977.

Nese contexto existira en Santiago o Grupo Sant-Yago, no que estaban, entre outros, Pedro D., que fixo a súa promesa de Lobato no 1970 (fotografía adxunta), os San Martín, os Ramil…

Este Grupo tiña a súa sede na Rúa do Franco, no edificio reformado ao lado da sede de Correos.

Promesa de Manada Pedro D. no Grupo Sant-Yago 08/02/1970

Promesa de Manada Pedro D. no Grupo Sant-Yago 08/02/1970

Estes son algúns dos recordos de Pedro D., que cito textualmente:

“O Grupo Sant-Yago da Asociación Scouts de España non tivo ningún tipo de relación co Chan salvo que no meu caso fun Lobato e Tropero a comezos dos anos 70. Tamén algúns Lobatos ingresaron despois no Chan.  Este grupo esmoreceu pouco a pouco sen saber moi ben o motivo desde a miña visión de rapaz de 12-13 anos. Falta de Scouters, próxima obra do local para correos, non o sei moi ben. Por suposto non había Comité de Pais e nese local do Franco acudían moitos xoves con inquietudes de todo tipo pois era dos poucos lugares que o réxime do momento permitía.

As actividades eran as propias da metodoloxía Scout. A Manada chamábase de Ahuwoora. O primeiro campamento no que participei foi en Ribasar, lugar alcumado “Paraíso Scout.”  Nas xuntanzas, creo que os sábados, pasábamos revisión de uniforme e hixiene, realizábamos xogos (algunha vez no Obradoiro), e superábamos probas para poder facer a Promesa. O local era moi atractivo para os rapaces a pesares de ser unha casa vella. Os locais das patrullas, nun barracón de feitura propia, tiña catro espazos: antílopes, búfalos, leopardos, xa non me lembro.

O Sant-Yago ocupaba o local cedido polo párroco de O Pilar ata a súa venda posterior a Correos. Tamén había un grupo de rapaces procedentes do Colexio Peleteiro co cura Jenaro C. ó fronte e realizaba a labor de capelán do grupo.”

Así, no ano 76, danse as circunstancias necesarias no colexio La Salle para crear o Chan. Un grupo de mozos de COU (Pedro, Piño, Andrés, Antonio, Javier, Pepe…), algúns deles vinculados ó grupo Polaris do irmán Manolo C., tiñan a inquedanza de traballar con rapaces.  A opción elixida para darlle forma foi crear un Grupo Scout, aproveitando  a presencia  e o empuxe do irmán de La Salle “Toli”, que xa posuía  experiencia nese campo por ter pertencido a un grupo scout en Santander. “Toli” foi así o primeiro Coordinador do grupo. Únese ó proxecto Suso A. e un grupo de rapaces do colexio cos que xa facía actividades ó aire libre. Algúns dos mozos de COU, como Pedro e Pepe, xa estiveran de Scouts no Sant-Yago.

Este ano, 1976 establécense os símbolos distintivos do grupo: pañoleta e nome que reflicten a ligazón do grupo coa terra galega e a súa realidade. O grupo inicialmente está formado por Patrullas distribuídas por idades: Búhos, Lobos, Antílopes, Fantitos e Leopardos. Trala primeira reunión Interscout en Palencia, nace a primeira Tropa.

E así, co soporte de La Salle como viveiro inicial de rapaces, educadores e infraestruturas, comeza a historia do Chan.

Categorías: Grupo | Etiquetas: ,,,, | Deixar un comentario

#ScoutSiempre Día do Pensamento Scout

Hoxe, 22 de febreiro, no que sería o cumpreanos de Baden-Powell, fundador do escultismo, os e as scouts de todo o mundo estamos de celebración, con motivo do “Día do Fundador” (Founder´s Day) e do “Día Mundial do Pensamento” (World Thinking Day). 40 millóns de scouts en todo o mundo reflexionamos este día sobre a nosa pertenza a un movemento que irmanda a tantos países e culturas diferentes, achegando a súa visión particular do que é o Escultismo e reflexionando sobre a súa mensaxe.

ScoutSiempre.png

Queremos visibilizar nas redes sociais por que somos scouts mediante o hashtag #ScoutSiempre, sendo este día unha oportunidade para mostrar ao mundo o noso labor scout, a nosa maneira de vivir e sentir o Escultismo e a nosa elección persoal neste modo de vida.

Durante este fin de semana fixéronse varios actos en diferentes lugares de toda España. De feito varias cidades (comezando por Madrid e varias das súas Xuntas de Distrito) súmanse á celebración deste día colgando dos seus balcóns a bandeira scout e realizado actividades reivindicando os valores que defende o escultismo.

E lembrade, Scout un día, Scout toda a vida.

Categorías: ASDE-Scouts de Galicia, Grupo, Uncategorized | Etiquetas: ,,,,, | Deixar un comentario

Crea un sitio web ou un blogue de balde en WordPress.com.