Unidade Esculta

Voltamos á carga!

Publicado o 05/11/2019 por Grupo Scout Chan

O pasado 12 e 13 de Outubro de 2019, tivemos a nosa tradicional Acampada de Ramas que despide unha ronda e da comezo á seguinte…

Dende ese momento, foi un non parar de actividades, reunións, formacións, xogos, saídas,… Un non parar de diversión e escultismo!

O noso Kraal acudiu a varios cursos de formación para seguir aprendendo e mellorando a nosa calidade educativa, e contribuindo a #ConstruirUnMundoMellor en cada un dos espazos de participación de Scouts de Galicia. Como o Foro de Scouters, as Asambleas e Consellos.

Pero é que os lobatos/as, scouts, escultas e rovers,… non se quedan atrás! No último mes retomaron con moitísima enerxía todas a rutina do Grupo, marcándose novos retos a conseguir para superarse día a día un pouco máis.

E so acabamos de comezar! Este ano chega forte!

Categorías: Castores, Clan, Grupo, Kraal, Manada, Tropa Scout, Uncategorized, Unidade Esculta | Deixar un comentario

¡Recollimos 75 kg de lixo da praia!

Publicado o 28/10/2018 por Grupo Scout Chan

O pasado sábado 20 de outubro iniciamos a nosa ronda cunha xornada na Praia das Gaviotas (Porto do Son).

Durante toda mañá estivemos colaborandomos cunha iniciativa de servizo medioambiental de Limpeza de Praias promovida pola ONG ecoloxista ADEGA recollendo un TOTAL DE 75 KILOS DE LIXO…

Pola tarde, tivemos xogos, obradoiros e actividades por seccións

Arrancamos a ronda cheos de ledicia por Construír Un Mundo Mellor e “Deixar as cousas, mellor de como as atopamos”.

Nesta ligazón á web de ADEGA tedes toda a información completa de toda a campaña , todos os puntos de recollida, entidades que colaboraron, cantidade de lizo retirado, etc (¡e saímos na foto que encabeza o informe!):

http://www.adega.gal/novas.php?id=764&idioma=gl&sec=7&utm_content=bufferbf1e4&utm_medium=social&utm_source=facebook.com&utm_campaign=buffer

Categorías: Clan, Grupo, Kraal, Manada, Tropa Scout, Unidade Esculta | Etiquetas: #planScout,ONG,praias,servizo | 2 Comentarios

“Collo 2.92 e redondeo” (#Coge3 #Colle3)

Publicado o 30/04/2018 por Grupo Scout Chan

“Collo 2.92 e redondeo”, un pequeno proxecto que lanzamos dende o Ecocargo do Grupo Scout Chan 292, apoiando o maravilloso proxecto “Coge3” que persigue, coma todas e todos os scouts do mundo, deixalo un pouco mellor de como o atopamos.

Así, a idea é recoller alomenos 3 obxectos ou residuos que atopemos en entornos naturais. Animámosvos a mandarnos as vosas fotos para seguir esta pequena cadea e animar a máis xente a participar.

Aquí vos deixamos unha pequena mostra fotográfica dos primeiros pasiños. Tanto nas nosas actividades, coma fóra delas, Collo 2’92 e redondeo.

Tedes máis información do proxecto na súa páxina web http://cogetres.com/ e na súa páxina de Facebook https://www.facebook.com/coge3/

Categorías: Castores, Clan, Grupo, Manada, Tropa Scout, Unidade Esculta | Deixar un comentario

A actitude de deixar as cousas mellor de como se atopan

Publicado o 25/02/2017 por Grupo Scout Chan

Como xa sabedes estes días 25 e 26 de febreiro o Grupo Scout Chan estamos a desfrutar dunha das actividades que máis nos gusta: ¡saír de acampada!

Estamos desfrutando da nosa xa tradicional Acampada conxunta de Entroido, todos os rapaces e rapazas do Grupo Scout Chan xuntos, nesta ocasión visitando por primeira vez o Centro Scout de Abeiro (Compostela) que teñen os nosos irmáns e irmás scouts da outra asociación scout galega: Escultismo Católico Galego.

Os mozos e mozas da nosa Unidade Esculta e o noso Clan de Rovers realizaron unha acción de servizo durante a mañá do sábado. Os scouts deixamos as cousas mellor de como as atopamos e por iso quixeron colaborar co Centro Scout Abeiro montando un toldo fixo e rematando de acondicionar unhas ventás do edificio principal.

Aquí vos deixamos unhas fotos: