Artigos coa etiqueta: asde scouts de galicia

A bandeira scout lucirá no noso Concello no #ScoutFoundersDay #SiempreScout

Posiblemente xa saibades (e se non, volo recordamos) que o día 22 de febreiro é un día moi importante no escultismo xa que celebramos o Día do Fundador xa que foi nesta data cando naceu Baden Powell.

É unha xornada na que scouts de TODO O MUNDO lembramos os valores que compartimos e a ilusión por #ConstruirUnMundoMellor.

E con tan importante motivo queremos compartir con todos e todas vós varias cousas:

O primeiro de todo, anunciarvos que durante este día tan importante para toda a gran familia scout a bandeira internacional do noso movemento lucirá no mesmísimo Pazo de Raxoi  grazas á colaboración do Concello de Santiago de Compostela.

Tamén lucirá a bandeira nos Concellos doutras cidades galegas como A Coruña, Ferrol e Ourense e noutras moitas do resto de España.

En segundo lugar queremos anirmavos a todos e todas a que compartades a través de Twitter e Instagram unha imaxe e unha mensaxe para dicirlle a todo o mundo por qué sodes scouts, qué valores vos parecen máis importantes. Empregade a etiqueta #SiempreScout

E finalmente aquí tedes (insertámolo ao pé desta entrada) un video elaborado pola Oficina Mundial do Movemento Scout con motivo desde Día do Fundador, ou, como se citará nas redes a nivel internacional, #ScoutFoundersDay.

E tamén vos deixamos a ligazón a unha páxina web especialmenta creada pola Oficina Mundial para que poñades a proba os vosos coñecementos sobre BP: https://worldscouting.typeform.com/to/IGQG5c

Categorías: ASDE-Scouts de Galicia, Grupo | Etiquetas: ,,, | Deixar un comentario

Xornada de convivencia, participación e debate para comezar o ano con ilusión!

Unha importante representación do noso equipo de scouters (a comunidade de voluntarios e voluntarias educadores) asistiu ao IV Foro de Scouters organizado por ASDE Scouts de Galicia.

Kraal de scouters 292 no Foro

Foi unha fin de semana de convivencia con voluntarios e voluntarias scout de todos os Grupos Scouts da Federación para planificar a Rolda Solar que comeza. Se estableceron acordos, se  restruturaron actividades, datas, temáticas,… Todo por e para unha Federación máis cohesionada, implicada e participativa. Ilusionada por construir un mundo mellor, dende o escultismo, onde os nosos nenos, nenas e mozos medren como persoas comprometidas coa sociedade.

Xa non queda nada para un ano novo de cheo de emocións e diversión, que  emprendemos con entusiasmo e moito, moito traballo en equipo. ⚜️⚜️⚜️⚜️⚜️

 

 

 

 

Categorías: ASDE-Scouts de Galicia, Grupo, Kraal | Etiquetas: ,,, | Deixar un comentario

O Grupo Chan colabora na Pegada Scout

Tal e como viñamos comentando nesta páxina e nas redes sociais, o sábado pasado o Grupo Scout Chan participou nas tarefas de servizo medioambiental levadas a cabo por ASDE-Scouts de Galicia no proxecto Pegada Scout.

O plan de traballo incluía, entre outras accións, a limpeza dun área recreativa, o arranxo da sinalización do roteiro PR97 e a prantación de varios exemplares de especies árboreas autóctonas. Todo isto no marco do Lugar de Importancia Comunitaria de Abegondo-Cecebre, que forma parte da Rede Natura 2000 e poucos días antes do Día Mundial do Medio Ambiente (5 de xuño).

Dous scouters do Grupo Chan, Pablo e Prisco (de dereita a esq.) conversan co Director Xeral de Xuventude (centro) e o Alcalde de Abegondo (esq.)

O proxecto foi realizado coa colaboración da Dirección Xeral de Xuventude de Galicia e o Concello de Abegondo.

Nesta importante actividade participaron tamén os Grupos 19 e Vasco da Ponte (Ferrol), San Jorge e Semente (A Coruña)

A Pegada Scout (Huella Scout) forma parte do programa de actividades e eventos que estamos a desenvolver este ano 2012 para conmemorar o 100º aniversario da creación dos scouts en Galicia e España

Categorías: ASDE-Scouts de Galicia, Grupo | Etiquetas: ,,,,,,, | Deixar un comentario

Scouts do Grupo Chan participan no Camporee 2012

Os tropeiros do Grupo Scout Chan participaron no Camporee celebrado nos pasados días 31 de marzo e 1 e 2 de abril no Campamento xuvenil de A Espiñeira (Boiro) baixo a organización de ASDE-Scouts de Galicia.

Os rapaces do Chan puideron compartir tres días de xogos, actividades e escultismo ó aire libre con rapaces de outros Grupos galegos da nosa Federación, como son o Grupo 19 e o Vasco da Ponte (ambolos dous de Ferrol) e o 33 San Jorge (A Coruña).

Os temas educativos principais do Camporee foron a concienciación da importancia da preservación do medioambiente e o aprendizaxe de técnicas de campismo e orientación, pero tamén se traballou sobre cuestións como a tolerancia e a convivencia e o mutuo respeto ou o desenvolvemento de hábitos de vida saudables.

A actividade foi un éxito e os tropeiros participantes despedíronse pensando xa na seguinte actividade onde volverán a poder convivir e compartir experiencias con scouts doutros grupos scouts galegos.

Categorías: Tropa Scout | Etiquetas: ,,, | 1 Comentario

Crea un sitio web ou un blogue de balde en WordPress.com.