Artigos coa etiqueta: esculta

A Esculta participa na Feira das Festas de San Pedro 2013

Esta fin de semana a Unidade Esculta porá de novo un posto na popular Feira das Festas do popular barrio de San Pedro, en Santiago de Compostela, tal e como xa fixeran o ano pasado. O posto estará situado máis u menos cara a altura de Concheiros, como na pasada Feira da Primavera.

Cartel das Festas de San Pedro 2013

Neste posto os rapaces e rapazas da Unidade Esculta venderán marcos, reloxios ou marcapáxinas decorados por eles mesmos, así como diversos artigos de segunda man. Todo a prezos alcanzables para todos os petos.
O posto serviralles como método de financiamento para as actividades que realizarán ao longo da segunda semana de campamento, fundamentalmente para o Proxecto que os mesmos mozos e mozas da Unidade Esculta deseñan, programan e realizan.

Convidámosvos a que vos acerquedes até a feira e fagades unha visita á caseta. ¡Seguro que atoparedes algo do voso gusto!

Máis información sobre a Unidade Esculta o seu propio blogue: http://escultas-accion.blogspot.com.es/

Advertisements
Categorías: Unidade Esculta | Etiquetas: ,,, | 1 Comentario

De novo participamos na Feira da Primavera

A Unidade Esculta do Grupo participou no Festa da Primavera organizada pola Comisión de Festas do popular e compostelán barrio de San Pedro.

Xa no pasado 2012 a Unidade Esculta participara tanto na edición da Feira da Primavera daquel ano, así como nas Festas do barrio de San Pedro, que teñen lugar xa no verán.

Nesta ocasión os mozos e mozas da Esculta estiveron preparando diversas manualidades para poñer á venda no posto que montaron na Feira. Para isto durante as semanas previas á Feira realizaron unha serie de obradoiros, nos que participaron alguns scouters de apoio do Grupo, e mediante os cales puideron aprender diversas técnicas e prepararon os obxectos feitos ou decorados por eles e elas mesmos que logo tratarían de vender na Feira da Primavera.

IMG-20130430-WA0006

O día da festa luciu un espléndido ambiente case veraniego e isto facilitou que acudise moitísima xente á Feira, que resultou todo un éxito.

Aquí tedes unha foto do posto da Unidade Esculta recén montado, que estivo ubicado na rúa de Concheiros:

IMG-20130504-WA0000

¡Noraboa á Unidade Esculta!

A Feira da Primavera 2013 na prensa

Categorías: Unidade Esculta | Etiquetas: | 1 Comentario

A experiencia da Esculta no Aquelarre 2013

Aquí vos deixamos un resumo das experiencias vividas polos mozos e mozas da Unidade Esculta do Grupo Scout Chan 292 no Aquelarre 2013 de ASDE-Scouts de Galicia, contada por eles mesmos en primeira persoa:

Escultas do Chan plantando un sabugueiro no Aquelarre 2013

Escultas do Chan plantando un sabugueiro no Aquelarre 2013

¿Quen non querería pasar tres marabillosos días cunhas persoas incriblemente divertidas nun sitio tan bonito como Narahío? Desde logo, a Unidade do Grupo Chan non quixo perderlo.

Un bus que chegaría media hora tarde nos levaría até A Coruña a recoller aos escultas do Grupo Scout San Jorge 33 e así poder chegar xuntos a Narahío, onde a Unidade Esculta do Grupo Scout Hércules 283 agardaba por nós cos brazos abertos. Na vida, experiméntanse moitas cousas, pero a mellor sensación, sen ningunha dúbida, é a dun recibimento entre xente que botabas de menos.

Tras montar rapidamente e con pequenos descoidos as tendas, chegou o turno da infraestructura xeral do campamento, pero algunhas bolsas xa aparecían nos pés, e é que non parou de chover en toda a acampada, e está claro, ‘cun chubasquero que non chubasca’… (¿?) non se vai a ningún lado.
Unha ruta na que os hippies e os rapeiros mesturáronse volvendo e acabaron perdidos xuntos mentres os góticos xa comeran tranquilamente, non é nada de estrañar.

A plántula de sabugueiro plantada pola Unidade Esculta do Chan en Narahío

A plántula de sabugueiro plantada pola Unidade Esculta do Chan en Narahío

Twitter e tuenti estiveron presentes constantemente neste Akelarre, non vedes que estamos modernizados? Pero só interactuábamos entre nós, xa que as cartolinas aínda non son tan máxicas.
Non hai nada mellor que un Furor por sexos para unirnos todos máis do que xa o estabamos. Os pequenos e amigables piques entre os equipos rivais eran inevitables, pero sempre acababan cunhas risas, unhas gargalladas limpas que escandalizan.
Pero o máis duro sempre son as despedidas, non se pode evitar que haxa algunha lagrimilla, o que non quere dicir que non fose unha experiencia incrible e que non esteamos contentos co resultado; porque ao contrario estamos a desexar repetir a experiencia.

Máis sobre o que foi o #Aquelarre2013 nas redes sociais (facebook e twitter) e na páxina web de ASDE-Scouts de Galicia.

Categorías: ASDE-Scouts de Galicia, Unidade Esculta | Etiquetas: ,, | 1 Comentario

Participamos no Campamento Federal de Escultas en Tenerife

Como xa sabedes, os escultas do noso Grupo participaron no Campamento Federal de Escultas celebrado en Tenerife o pasado mes de agosto. Alí puideron compartir experiencias con outros escultas, mozas e mozos, chegados dende tódolos rincóns de España, das diferentes organizacións que integramos ASDE-Scouts de España. Unha formidable maneira de celebrar os 100 anos da chegada do escultismo a Galicia e a España.

Aquí tedes unha imaxe dos nosos escultas no aeroporto de Tenerife, antes de emprender a súa viaxe de regreso, e a continuación a valoración que fai unha das súas scouters:

“Proxecto Blue Banana”, así comezou todo, buscando un nome ao proxecto na que a Unidade Esculta do Grupo Scout Chan 292 traballaría durante todo o ano e levaríaos ao Campamento Federal de Escultas en Tenerife.

Como scouter é difícil resumir ou expresar o que viviron os nosos rapaces nese nove días.  Pasando por un nerviosismo inicial, que non lles deixaba durmir durante a nosa espera de máis de 12h no aeroporto de Madrid para coller o seguinte voo destino Tenerife, até o momento da despedida entre prantos, abrazos, sorrisos…  É moito o que viviron, compartido, gozado e moito son os recordos e amigos que levan.

A verdade non é difícil facer amigos cando se comparte un mesmo ideal e unha forma de vida como é o escultismo, este é un forte lazo de unión que os fai sentirse unha verdadeira unidade.
Grazas a todas aquelas persoas que fixeron que este campamento fose posible, sabemos que o traballo que hai detrás é moito. Pero que o compensa vendo aos rapaces cun sorriso permanente. Grazas por regalarnos momentos como ver amencer no Teide!
Nunu
Scouter da UE do Grupo Scout  Chan 292
SLPS

Categorías: ASDE-Scouts de Galicia, Unidade Esculta | Etiquetas: ,,, | Deixar un comentario

Crea un sitio web ou un blogue de balde en WordPress.com.