Artigos coa etiqueta: Nadal

A ruta do Clan

Tiñamos pendente facer unha mención á acampada de Nadal dos Rovers, os mozos e mozas maiores do Grupo. O Clan sempre realiza as súas acampadas en ruta, percorrendo sendas e coñecendo novos lugares.

Velaquí vai:

Nos últimos días de Decembro, o Clan do Grupo Scout Chan 292 foise de ruta, como é costume nesas datas do Nadal.

Esta vez, a ruta comezou en Vila de Cruces e rematou en Melide. Foron dúas duras etapas duns 18 Km aproximadamente cada unha; para rematar o terceiro día cun pequeno tramo de 8 Km.

Foi a primeira ruta do Clan nesta rolda solar, e notouse moito na programación, xa que había moitas cousas programadas, e poucas que puidemos facer, debido ás poucas horas que tiñamos pensado camiñar, e as moitas que tivemos que facer.

É habitual que se una algún “espontáneo” ás nosas rutas!

Tamén innovamos, xa que nos sobrou un bote de nocilla, co cal fixemos unha foundie de chocolate (ao baño maría) de pexegos e piña en almíbar. Deixámosvos unha foto para o voso deleite 🙂

Sempre listos, e boa ruta!

Lembrade que podedes seguir a vida do Clan no seu blog: http://milnovecientosiete.blogspot.com.es/

Advertisements
Categorías: Clan | Etiquetas: ,,, | 1 Comentario

Rematando o ano nunha carballeira

Como o prometido é débeda, xa podemos ir comezando a contaros algunhas cousas das acampadas que realizaron os nosos rapaces e rapazas scouts durante os pasados días de Nadal.

Comezamos pola Tropa:

Entre os pasados días 28 e 30 de Decembro do 2012, a Tropa Scout do Grupo Scout 292 Chan fixo unha incursión polas terras da comarca de Tabeirós-Terra de Montes, tan apreciada e frecuentada por nós pola beleza e abuncdancia das súas carballeiras.

Coma sempre, os scouts chegaron armados coas súas mochilas, tendas e algún gorro particular que lles axudou a combatir o vento e a chuvia que puxo a proba máis dun toldo mal atado.

Despois de aprender algunhas nocións de orientación partimos cara unha ruta na que a nave rescatadora da Patrulla Castores pouco tardou en botarlles o lazo a unha Patrulla de Furóns accidentados na descoñecida atmósfera terrícola.

Non sen chuvia, esforzo, risas, fotos e camiñar en círculos chegamos de novo ás nosas casas verde canadiense para concluir unha xornada compartindo un colacao que soupo a gloria.

Categorías: Tropa Scout | Etiquetas: ,,, | Deixar un comentario

Felices Festas

Bo Nadal 2013 GS Chan

Dende o Grupo Scout Chan 292 desexamos que  pasedes un Bo Nadal en compañía dos vosos e un próspero ano novo 2013 cheo de novos proxectos que cumprir.

 

Unha forte aperta, o Kraal de Scouters

Categorías: Grupo | Etiquetas: | 2 Comentarios

¡BO NADAL E FELIZ 2012!

 

O Grupo Scout Chan quere desexarvos a todos que pasedes unhas moi felices festas.

Desexamos tamén que o novo ano veña cheo de máis acampadas, de máis rutas, máis accións de servizo desinteresado, novos proxectos e desafioos. En definitiva, que veña cheo de máis ilusión por seguiren traballando por construir un mundo mellor.

Apertas e un saúdo scout.

Boa ruta

Categorías: Grupo | Etiquetas: , | 1 Comentario

Crea un sitio web ou un blogue de balde en WordPress.com.