Artigos coa etiqueta: magosto

¡Celebramos o Magosto!

Este sábado 14 de novembro temos unha cita en Busto: o Magosto do Grupo Chan!

O Comité de Nais e Pais do Grupo organiza esta celebración que dará comezo ás 14:00 horas.

Están convidados todos aqueles amigos, familiares e persoas cercanas ao Grupo que queirades asistir, pero é preciso que confirmedes a asistencia canto antes, para poder organizalo todo debidamente.

O prezo será de 5 € por persoa, que se aboarán á responsable da Tesouraría do Comité o mesmo día do Magosto.

Podedes descargar a cirular de información na sección de “Descargas”

¡Nos vemos o sábado!

Advertisements
Categorías: Grupo | Etiquetas: | Deixar un comentario

Tempo de Magosto Scout!

O pasado dia 15 de novembro celebramos nas instalacións do local que temos en Busto o tradicional xantar de Magosto do Grupo Scout Chan. Ano tras ano o Comité de Pais e Nais do Grupo ven organizando este evento no que nos reunimos toda a gran familia do Grupo así como amigas e amigos e antigos membros do Grupo.

Aproveitamos a ocasión para desfrutar dun xantar comunitario e bastante campestre (se o tempo o permite) no que por suposto as castañas teñen unha presencia fundamental.

Á tarde tivo lugar a Asamblea de Nais e Pais da nova ronda solar 2014-2015. Nela, os scouters (educadores voluntarios e voluntarias) presentaron ás familias o plan anual deste ano, que recolle  os principais retos aos que o Grupo quere facer frente, así como os proxectos que se plantexan os propios rapaces e rapazas de todas as seccións educativas.

Tamén se procedeu, como de costume, a renovar parcialmente o Comité de Pais e Nais. Un órgano de participación que resulta moi importante na vida do Grupo, sobre todo á hora de organizar eventos como o propio Magosto.

E así nos citamos coas castañas para o ano que vén!

Parte da Manada no Magosto

 

Categorías: Grupo | Etiquetas: ,,, | Deixar un comentario

¡É tempo de Magosto!

O vindeiro sábado 16 de novembro terá lugar o tradicional Magosto do Grupo Scout Chan 292, organizado, como adoita, polo Comité de Pais e Nais do Grupo.

A convocatoria é no noso local de Vilariño de Busto a partir das 14:00 e poderemos desfrutar de empanadas, xamón asado así como dun pouco de rosca para mollar no café de pota. E por suposto non faltarán as castañas, as protagonistas absolutas desta xornade de festa.

Están convocados non só os rapaces e rapazas do Grupo, scouters e nais e pais, senón que queremos que se acheguen amigos, familiares e antigos membros do Grupo. Todas estas persoas integran a gran familia do Grupo Chan e polo tanto cantos maís sexamos, mellor.

Iso si, é preciso confirmar a asistencia canto antes, para facilitar o traballo dos organizadores e que todo saia ben.

Podedes descargar a circular do Magosto na área de Descargas desta páxina.

Asimesmo, pola tarde, a partires das 16:30, os pais e nais están convcados a Asemblea Anual, na que os educadores voluntarios e mailos propios rapaces e rapazas lles explicarán a grandes rasgos cales serán os principais retos e proxectos do Grupo Chan para esta nova ronda solar 2013-2014.

Categorías: Grupo | Etiquetas: | 1 Comentario

Blog en WordPress.com.