¡Acampada de Entroido!

Un ano máis achégase o tempo do Entroido e con el chega tamén a tradición do Grupo Scout Chan de saír de acampada conxunta, todos os rapaces e rapazas do Grupo.

Esta época nestas terras galegas adoita ser un pouco fría, pero como sabedes o Scout ri, canta e é animoso ante as dificultades, de modo que un pouco de frío non é motivo para quedar na casa tirado no sofá pra ver a televisión… colleremos o noso xersei ou forro polar, a mochila e sairemos a pasalo moi, moi ben ó aire libre, que para iso somos Scouts

SAÍDA: Venres 13 de febreiro ás 18:00h no local de Vista Alegre. (¡¡Moi importante ser puntuais!!)

REGRESO: Domingo 15 de febreiro sobre as 18.30 no local de Vista Alegre.

Tedes toda a información na Folla de Ruta que se entregou fai uns días. Se non a tedes, podedes descargala na sección de Descargas http://gruposcoutchan292.org/descargas/

É preciso que todos os rapaces e rapazas do Grupo confirmen a súa asistencia. Para isto, poñédevemos en contacto cos vosos scouters por correo electrónico ou teléfono

10593141_921639971187479_2989154740998653158_n

Categorías: Grupo | Etiquetas: , , | Deixar un comentario

¡¡Chocolatada Scout e Solidaria!!

 

 

Chocolatada2014

Xa está aquí a CHOCOLATADA SOLIDARIA do Grupo Scout Chan!

O vindeiro Sábado 13, de 16:00h a 18:30h, teremos unha cita coa solidariedade nas pistas deportivas do parque de San Xoán, moi preto do noso local en Vista Alegre. Organizamos unha recollida benéfica e solidaria de xoguetes e libros, así que revisa ben na casa e trae todos eses xoguetes e contos que xa non empregas e dálles unha segunda vida, fai posible que outros nenos e nenas os poidan aproveitar e disfrutar.

Teremos tamén diferentes obradoiros e xogos e como colofón, por suposoto, non faltará un chocolate ben quentiño!

¡Todo de balde!

¡Anímate e participa!
[Se agradecería confirmación de asistencia (gruposcoutchan292@gmail.com) para calcular ben as cantidades]

 

Categorías: Grupo | Etiquetas: , | Deixar un comentario

Tempo de Magosto Scout!

O pasado dia 15 de novembro celebramos nas instalacións do local que temos en Busto o tradicional xantar de Magosto do Grupo Scout Chan. Ano tras ano o Comité de Pais e Nais do Grupo ven organizando este evento no que nos reunimos toda a gran familia do Grupo así como amigas e amigos e antigos membros do Grupo.

Aproveitamos a ocasión para desfrutar dun xantar comunitario e bastante campestre (se o tempo o permite) no que por suposto as castañas teñen unha presencia fundamental.

Á tarde tivo lugar a Asamblea de Nais e Pais da nova ronda solar 2014-2015. Nela, os scouters (educadores voluntarios e voluntarias) presentaron ás familias o plan anual deste ano, que recolle  os principais retos aos que o Grupo quere facer frente, así como os proxectos que se plantexan os propios rapaces e rapazas de todas as seccións educativas.

Tamén se procedeu, como de costume, a renovar parcialmente o Comité de Pais e Nais. Un órgano de participación que resulta moi importante na vida do Grupo, sobre todo á hora de organizar eventos como o propio Magosto.

E así nos citamos coas castañas para o ano que vén!

Parte da Manada no Magosto

 

Categorías: Grupo | Etiquetas: , , , | Deixar un comentario

Comezamos!!! Xornada de Portas Abertas!

¡¡XA ESTÁ AQUÍ A XORNADA DE PORTAS ABERTAS DO Grupo Scout Chan 292!!
O vindeiro Sábado 18 de Outubro no noso local tes unha cita con nos para pasar unha tarde chea de aventuras e desafíos.
PORQUE FACEMOS COUSAS NOVAS
PORQUE APRENDEMOS A SUPERAR NOVOS RETOS
PORQUE DISFRUTAMOS NA NATUREZA
PORQUE FACEMOS AMIG@S
PORQUE XOGAMOS
E SOBRE TODO…
¡¡PORQUE O PASAMOS BEN FACENDO ESCULTISMO!!

Para todos os nenos e nenas a partir de 8 anos. Aquí vos esperamos!

PortasAbertas2014 (1)PortasAbertas2014 (2)

Categorías: Clan, Grupo, Manada, Tropa Scout, Unidade Esculta | Etiquetas: | Deixar un comentario

Blog en WordPress.com. The Adventure Journal Theme.