A miña primeira acampada coa Unidade Esculta

Os pasados días 26, 27 e 28 de decembro asistín á miña primeira acampada coa Unidade Esculta. DSCN2898_b

Disfrutamos duns días moi agradables en contacto coa natureza traballando uns obxectivos que nos mesmos nos propuxéramos, cando nos sentamos a programar entre todos e todas o que queríamos facer nesta actividade. Así por exemplo nos plantexamos ter un maior coñecemento de técnicas de campismo para montar un toldo ou facer nudos pero tamén outros coma fomentar a participación dentro da UE. 

 

DSCN2980-crop

A verdade é que nas sensacións que recollín desta acampada, malia ter a mesma base que nas outras ramas, son moi diferentes e á vez moi reconfortantes xa que a convivencia que houbo nestes días foi do máis distendido e penso que nos fixo sentir cómodos aos que por primeira vez tiñamos que facernos cargo dunha actividade e nos atopábamos coa nosa inexperiencia para algunhas cousas.

Así que sen máis darlle as grazas a todos os meus compañeiros e compañeiras, que lograron que esta acampada se levara a cabo e que fixeron que só teña bos recordos desta saída, a pesar da chuvia do último día.

DSCN2914

 

Categorías: Unidade Esculta | Etiquetas: , | 1 Comentario

¡Comeza o XL aniversario do Grupo Scout Chan 292!

IMG_1234O pasado sábado organizamos un pequeno acto para inaugurar formalmente as celebracións do XL aniversario do noso Grupo Scout Chan 292. Foi un acto breve e sinxelo pero emocionante e cheo de ganas de celebrar este importante cumpreanos como todos e todas merecemos. Contouse coa participación dos rapaces e rapazas e scouters de todas as seccións do Grupo, con pais, nais e familiares, e tamén con persoas que formaron parte desa longa historia que vai percorrendo o Grupo Chan na súa andaina polo escultismo.

No acto se presentaron algunhas pinceladas das actividades que se están a preparar dende unha Comisión de voluntarios e voluntarias (scouters do Kraal, scouters de apoio, pais e antigos membros do Grupo) con moita ilusión.

Xa vos iremos desvelando máis pouco a pouco, pero de momento como aperitivo vos podemos comentar que o programa de celebracións se artella sobre catro eixos fundamentais, algúns cunha vertente máis pública ou institucional, e outros más enfocados de cara aos centos de persoas (tratade de imaxinar canta xente pasa por un grupo coma o noso en catro décadas)  que formamos a gran familia do Grupo Scout Chan 292:

  1. “40 anos educando en liberdade en Santiago” –Exposición multimedia e recopilación dun Arquivo Histórico
  2. “40 anos en ruta” –Ruta por algun tramo do Camiño de Santiago, recepción e Gran Verbena
  3. “40 anos de ledicia” –Recopilación de cancións de Grupo
  4. “40 anos de celebracións” –Gran Cea

E velaquí tedes o logotipo que nos acompañará todo este ano de celebración, ¡esperamos que vos guste tanto como a nós!:

Logo40aniversarioEn palabras da Coordinadora do Grupo: “Hoxe presentamos un logo que pretende ser moito máis que unha imaxe. Quere ser o scout que, dunha ou outra forma, todos fomos e somos na sociedade. Quere ser o mencer nun día frío de inverno en plena acampada, e o atardecer nos días de campamento. Quere ser nosa flor de lis, a Lei Scout e o noso lema. Este logo quere ser tamén a fotografía de cada un de vós e a de todos os nenos, nenas e adultos que descubrirán o escultismo como forma de vida e ao Grupo Scout Chan como a súa segunda familia.”

Aínda que as interpretacións poden ser persoais, vos compartimos unha explicación do simbolismo desta imaxe:

O logo representa un número “40”, que está formado pola silueta dun “4” unido ao que representa a metade dereita dunha flor de lis. O catro simboliza a silueta dunha persoa (scout), e o cero sería a súa mochila, que están unidos pola pañoleta do noso grupo. O conxunto simbolizaría a un scout en plena ruta á luz do mencer, ou do atardecer (baixo a lux do sol, en definitiva).

A pañoleta rodeando á silueta scout e á mochila é un pouco a unión que nos une ás persoas que estamos e estiveron no grupo e o nó ao rededor é a fraternidade scout.

En canto ás cores, o amarelo é cor do sol, dos días de campamento, de reunións, como esas tardes de rutas. O morado é a cor polo que representa aos scouts en todo o mundo, e o granate nos lembra a cor da bandeira de Santiago de Compostela, a nosa cidade, o entorno social e medioambiental que levamos 40 anos tratando de mellorar. Finalmente o tono gris podería representar todas as noites de acampada ao aire libre, e o ceo que máis frecuentemente nos cubre en todas as saídas que os rapaces e rapazas do Grupo levan realizando dende fai 40 anos.

Categorías: Clan, Grupo, Kraal, Manada, Tropa Scout, Unidade Esculta | Etiquetas: , , , , | Deixar un comentario

¿Qué tal a acampada, tropeiros?

IMG-20160117-WA0033
A Tropa disfrutou ao grande a pasada fin de semana dunha acampada, xa que por diversas circunstancias non o puideron facer nas datas do Nadal, como soe ser habitual.
Esta acampada tivo lugar nos arredores do local de Busto.
IMG-20160117-WA0028
Durante eses días os rapaces e rapazas non pararon de facer actividades: realizaron varios obradoiros sobre distintas técnicas que tamén puxeron en práctica: nós, orientación, ruta, lume…
Tamén fixeron unha dinámica sobre habilidades sensoriais e unha chea de xogos diversos
E que non se nos esquenza dicir que ¡temos entre nós a outra scout máis! xa que se celebrou unha cerimonia de Promesa Scout, motivo polo que debemos estar especialmente felices (¡noraboa Raquel!).IMG-20160117-WA0046
Categorías: Tropa Scout | Etiquetas: , | Deixar un comentario

¡Comezamos a celebrar estes #40anoscamiñandoxuntos!!

invitación 40 aniversario

#‎40aniversarioGSChan292‬ ‪#‎40anoscamiñandoxuntos‬ ‪#‎XLaniversario‬

“Queridos compañeiros e compañeiras,
Como sabedes este ano é moi especial para o grupo, xa que cumpre nin máis nin menos, que 40 anos.
40 anos de escultismo,
40 anos de rutas, aventuras, acampadas cargadas ás costas,
40 anos de risas, alegrías, ilusións,
40 anos crecendo xuntos…
E non queriamos celebrar esta ocasión sen vós.
É por iso que vos convidamos (e pedímosvos que fagades extensible esta invitación) ao acto de Inauguración do 40 Aniversario no que se presentará o logo oficial que nos representará durante todo este ano.
Informarase tamén das principais actividades organizadas e daremos o pistoletazo de saída a un ano de celebración no que todos, estamos de aniversario.

Sen máis, moitas grazas de antemán e nos vemos o sábado.”
A Coordinación do Grupo Scout Chan 292

Categorías: Grupo | Etiquetas: , , , , , | 1 Comentario

Crea un sitio web ou un blogue de balde en WordPress.com. The Adventure Journal Theme.