Artigos coa etiqueta: voluntariado

Xornadas de avaliación e novos proxectos

Xa dicía fai tempo algunha que outra persoa sabia aquilo de que “as nosas accións falan tanto sobre nós coma nós sobre elas”. Tanto é así, que continuamente estamos a avanzar entre camiños e decisións que marcan os nosos resultados. E, cando estamos a falar de resultados educativos, de persoas, de nenos e nenas crecendo para chegar a ser axentes de cambio na procura de deixar o mundo mellor do que o atoparon, débese falar e refalar das accións cantas veces sexa necesario.

Así se fixo esta fin de semana, coa celebración dunhas Xornadas para o noso equipo de educadores e educadoras voluntarios (scouters).

Sesión de traballo do Kraal de scouters durante as Xornadas

Un percorrido polo realizado estes meses atrás con vistas a mellorar a nosa maneira de facer tendo sempre como obxectivo  a educación integral de tódolos nenos e nenas cos que se traballa semana a semana. Unha fin de semana intensa na que avaliar o conseguido e revisar as moitas, moitísimas, accións que aínda quedan por diante. E é que, toda crítica construtiva é éxito asegurado para seguir traballando da mellor maneira posíble sendo necesario que as accións falen de nós realizando así unha educación pola acción constante, e que nós falemos delas para exprimir todas as potencialidades que cada quen aporta a continuo quefacer educativo.

Fines de semana intensos que son, ademais de divertidos, moi necesarios para seguir camiñando nesta liña de actuación.

Parte do Kraal de Scouters 2012-2013

Advertisements
Categorías: Kraal | Etiquetas: , | Deixar un comentario

O Día do Scouter e visita do Director de Xuventude

ASDE – Scouts de Galicia celebrou o pasado domingo 25 de novembro a súa Asemblea Scout Xeral ordinaria, na que por suposto participaron representantes do noso Grupo Scout Chan.

Contouse coa visita do director xeral de Xuventude da Xunta de Galicia, Ovidio Rodeiro, de cara a celebrar o Día do Scouter, promovido desde ASDE – Scouts de España.

O director xeral recibiu de mans do Presidente Scout Xeral, Javier Castro, e do Coordinador de Recursos Humanos, Iván Arceo, o cheque do voluntariado,(imaxe da dereita) para reflexar dun xeito simbólico o esforzo dos educadores de ASDE – Scouts de Galicia. Os 112 voluntarios que traballan hoxe coa federación suman, aproximadamente, 39.000 horas ao ano de traballo, o que aforra un gasto duns 160.000 euros.

Asimesmo aproveitouse a ocasión para agasallarlle co pano branco e azul que identifica a ASDE – Scouts de Galicia

O Director Xeral de Xuventude ensalzou a labor dos scouts, felicitándoos polo seu centenario. Destacou que se trata da organización xuvenil meirande do planeta con uns 30 millóns de membros.

Scouters de ASDE-Scouts de Galicia co Director Xeral de Xuventude

Máis iniciativas para celebrar o Dia do Scouter: http://www.scout.es/el-dia-del-scouter/

#graciasscouter

Categorías: ASDE-Scouts de Galicia, Grupo | Etiquetas: ,,, | Deixar un comentario

A formación dos nosos educadores voluntarios

A formación dos scouters é un dos factores que o noso Grupo Scout Chan sempre considerou e considera fundamentais. Non só para cumprir coa lexislación vixente en materia de actividades de lecer con nenos e nenas, senón sobre todo pola nosa inquedanza en desenvolver un traballo educativo da mellor calidade posible dentro do escultismo.

Un ano máis a Escola oficial de Tempo de Lecer que pertence a ASDE-Scouts de Galicia, a ESIM, comeza a impartir o Curso de Monitor de Actividades de Tempo de Lecer, que ademáis conleva o nivel de formación scout do Nó Gilwell. Parte do Claustro de formadores está integrado por membros do noso Grupo Chan.

Dentro dalgunhas semanas chegará un novo módulo do curso, no que participan como alumnos varios membros do noso Grupo Scout Chan.

Categorías: ASDE-Scouts de Galicia, Kraal | Etiquetas: ,,, | 1 Comentario

Ruta do Clan polo tramo ferroviario abandoado

Os rovers ó comenzar a marcha

No pasado mes de xuño, aproveitando a xornada da celebración do II Certame Literario e a tradicional Sardiñada do Grupo Scout 292 Chan, os Rovers decidiron facer unha ruta, percorrendo a pé o tramo ferroviario abandoado entre Santiago de Compostela e Ordes.

Dende tempo atrás se vén falando do posible interese das autoridades municipais de Santiago e Oroso en tratar de incorporar este tramo ó Programa Vías Verdes, o cal conlevaría unha iniciativa moi interesante de reciclaxe dunha infraestructura en desusos, ademáis do fomento do sendeirismo e do cicloturismo.

O Clan quixo comprobar de primeira man en qué estado se atopa a vía desmantelada, por se fose posible e necesario ofrecer unha proposta de servizo voluntario ás autoridades, co fin de axudar a limpar a maleza que podería obstaculizar o paso.

Os Rovers nos deixan algunhas imaxes desta actividade.

Un momento da ruta pola antiga vía ferroviaria

Outro instante desta actividade

Algunhas novas publicadas na prensa sobre este posible proxecto de reutilización da antiga vía:

O Concello encarga o proxecto de Vía Verde para valorar a viabilidade futura (La Voz de Galicia, Dec 2010)

O Concello de Oroso loita por unha Vía Verde (Ecaturaldeas, Xan 2012)

Lembrade que tamén podedes visitar o blog do Clan.

Categorías: Clan | Etiquetas: ,,,,,, | Deixar un comentario

Crea un sitio web ou un blogue de balde en WordPress.com.