Artigos coa etiqueta: servicio

Apadriñamento Scout con Aldeas Infantiles

Publicado o 15/04/2013 por Grupo Scout Chan

Desde a Federación ASDE-Scouts de Galicia, a proposta do Grupo Scout Chan 292 e co galo do Centenario da chegada do Movemento Scout a Galicia, puxemos en marcha unha acción solidaria moi sinxela pero moi especial: unha acción de apadriñamento en colaboración coa delegación galega da ONG Aldeas Infantiles SOS.

Trátase dunha actividade vinculada ao noso espírito scout de servicio, cooperación e solidariedade. Con esta acción queremos concienciar aos nosos rapaces e rapazas das necesidades existentes no noso contorno máis próximo, non fai falta ir lonxe para achegar o noso granito de area para facer deste mundo, un mundo mellor. Nesta campaña participamos actualmente o Grupo Scout Chan 292 e mailo Grupo Scout Semente 597 de A Coruña.
A colaboración en concreto consiste en que apadriñaremos unha aldea infantil que Aldeas Infantiles SOS Galicia ten situada en Redondela.

É un lugar formado por 13 casas, sete delas dedicadas a fogares funcionais onde conviven nenos e nenas de diferentes idades que proveñen de familias en situación de risco, onde se lle posibilita un desenvolvemento emocional e persoal adecuado, nun ambiente seguro e estable.

A achega é de 20€ mensuais, cada Grupo participante do proxecto terá unha hucha no seu local e cada membro do grupo de forma voluntaria depositará entre 0.30 e 0.50 € ao mes. Con iso contribuímos a que todos os nenos e nenas que habitan cada un dos fogares teñan un entorno familiar que lles protexa onde poidan contar polo menos cunha persoa de referencia. Significa que en cada fogar sexan queridos, sentan seguros e respectados e, aos poucos, vaian desenvolvéndose plenamente en todos os ámbitos da súa vida. Significa contribuír a que os nenos e nenas da Aldea Infantil SOS poidan decidir sobre o seu futuro ata ter a autonomía necesaria para integrarse na sociedade.

Ata o momento podemos dicir que a resposta da gran familia que compoñemos o Grupo Scout Chan (nenos, nenas, familiares, scouters, etc) está sendo admirable.
¡Con esta pequena acción axudamos a construír un mundo mellor!

¡¡Colabora co #ApadriñamentoScout!!

Categorías: ASDE-Scouts de Galicia, Grupo | Etiquetas: apadriñamento,campañas,colaboración,servicio | Deixar un comentario

Chocolatada solidaria

Publicado o 18/12/2012 por Grupo Scout Chan

O pasado sábado 8 de decembro o Grupo Scout Chan 292 celebrou a súa tradicional Chocolatada de Nadal coa participación de todos os nenos e nenas, mozos e scouters do Grupo, así como de todos os pais, nais, familiares, amigos e veciños do barrio que se pudieron acercar ó parque de San Xoan (moi preto do noso local de Vista Alegre) para compartir un vaso de chocolate ben quentiño.

Durante esta tarde festiva celebrouse un gran Amigo Invisible entre todos os membros do Grupo, así todos tiveron o seu pequeno agasallo de Nadal. Tamén se organizaron xogos para todos os rapaces que se achegaron (scouts ou veciños).

Pero o máis importante desta nova convocatoria aberta de Chocolatada do Grupo Chan foi sen dúbida a recollida de alimentos que se levou a cabo, a favor da Cociña Económica de Santiago. Os scouts temos como obxectivo servir e axudar para entre todos poder construir un mundo mellor, e nestes tempos difíciles que estamos a vivir cremos que é fundamental apelar á solidariedade de todos para poder axudar a quen máis necesidades teña. e polo tanto é para nós unha grande alegría poder dicir que a nosa recollida de alimentos logrou acadar máis de 75 kg de comida doada por familias do Grupo así como por veciños do barrio de Vista Alegre.

Moitísimas gracias a todos e todas pola vosa colaboración.

Categorías: Grupo | Etiquetas: Chocolatada,servicio,solidariedade | Deixar un comentario

O Grupo Chan colabora co Refuxio de Bando

Publicado o 05/07/2012 por Grupo Scout Chan

O pasado sábado 23 de Xuño o Grupo Scout Chan 292 de Santiago de Compostela levou a cabo unha actividade co Refuxio de Animais de Bando.

Os obxectivos desta iniciativa eran coñecer as instalacións e o funcionamento do centro, concienciarse acerca da responsabilidade do coidado dos animais e a realidade dos abandonos e descubrir as posibilidades de voluntariado e colaboración co Refuxio.

Así, sobre medio centenar de nenos, mozos e mozas dende 8 a 20 anos, acompañados polos seus educadores, fixeron unha pequena marcha a pé de 6 km dene o Estadio de San Lázaro ata o Refuxio.

Á chegada ao Refuxio foron recibidos pola directora do centro, Paloma Aguirre. Comezouse cunha charla na que os scouts coñeceron a dura realidade que viven moitos animais, especialmente cans e gatos, que son abandonados á súa sorte polo seus donos, e como o Refuxio os acolle, os coida e lles buscan un novo fogar.

Paloma Aguirre, directora do Refuxio de Bando, explica ós scouts o funcionamento do centro

A continuación os rapaces e rapazas scouts tiveron a ocasión de ver de primeira man as instalacións do Refuxio e o gran número de cans desexosos de cariño e atención. Por suposto, os cachorros de can e gatos foron os que causaron o maior furor.

De seguido, e como non podía ser doutra maneira, os scouts se puxeron mans á obra para facer algúns traballos que a directora do Refuxio seleccionou. Desta maneira os máis pequenos se encargaron de organizar os materiais de coidado dos cans (correas, útiles de aseo, etc), mentres outros se dedicaban a labores de xardinería e os maiores a poñer malla para darlle sombra aos cans agora que chega o calor do verán.

Na clausura da actividade, a directora do centro dedicou unhas palabras de agradecemento ao Grupo Scout Chan pola súa visita e a súa labor desinteresada. Pola parte dos scouts tamén lle devolveron o agradecemento ao Refuxio e os seus voluntarios pola atención prestada e pola importante tarefa que fan.

Como mostra final de agradecemento o Grupo fixo unha doación de materiais e comida e tamén unha modesta aportación económica entre todos os rapaces materializada nunha hucha con forma de can e cunha pañoleta scout.

Esta actividade tivo repercusión nos medios de comunicación a nivel local, por exemplo nas edicións do domingo 24 de xuño dos diarios El Correo Gallego e La Voz de Galicia

(preme neste enlace para ver a noticia en La Vozde Galicia)

Categorías: Grupo | Etiquetas: Grupo,marcha,Refuxio de Bando,servicio,voluntariado | Deixar un comentario

Os scouts visitarán o Refuxio de Bando

Publicado o 21/06/2012 por Grupo Scout Chan

O vindeiro Sábado 23 de Xuño vamos a realizar unha actividade moi especial, escollida entre todos os membros do Grupo (do máis pequeno ao scouter máis curtido) na Asamblea de Grupo do Paso de Ramas.

Desta maneira todas as Ramas xuntas faremos unha marcha de 6 Km, dende Santiago ao Refuxio de Bando, a protectora de animais ubicada en Zamarracedo (Bando).

Os obxectivos desta acción son:

– Coñecer as instalacións e o funcionamento do Refuxio.

– Concienciarse acerca da responsabilidade do coidado dos animais e a realidade dos abandonos.

– Descubrir as posibilidades de voluntariado e colaboración co Refuxio.

Alí seremos recibidos por Paloma Aguirre (directora do centro) e os voluntarios do Refuxio, coñeceremos de cerca as instalacións, os animais que alí viven (sobre todo cans) e todo o proceso de recollida, coidado e adopción.

Faremos entrega dos materiais* recollidos entre as familias do Grupo Scout, entre os que se atopa material para o coidado dos cans, correas para sacalos a pasear, escudillas para darlles de comer e comida.

Por último tentaremos botar unha man no que poidamos ¡Unha experiencia que ningún rapaz se pode perder!

Máis información acerca do Refuxio do Bando en www.refuxio.org e tamén en Facebook

*(Nota: Aínda é posible traer materiais para donar ao Refuxio, levándoos o propio día da actividade.)