Artigos coa etiqueta: rovers

Roverway 2018

Publicado o 01/05/2018 por Grupo Scout Chan

Este ano cinco membros do Clan Ahuwoora (Pedro, Raúl, Walter, Martín e Andrés) propuxéronse acudir á Roverway que se celebrará en Holanda o vindeiro verán.

Unha Rroverway é un gran campamento para mozos e mozas dos Clans de Rovers de toda Europa, organizado pola Rexión Scout Europea

Para iso realizaron distintos traballos como impartir clases particulares, arbitrar partidos oficiais de baloncesto, venda de rifas ou, mesmo, outras máis físicas como a adecuación de leiras rústicas.

Ademais diso han participada na organización, como a maioría das patrullas, na organización das actividades propostas desde a Federación de Escultismo en España (FEE). Para isto Andrés acudiu a un encontro en Madrid no cal se preparou o concurso de fotografía que se realizará alí.

Agora queda a mellor parte do traballo; ultimar os detalles e prepararse para acudir a un encontro de 4000 rovers de todas partes do mundo e gozar dunha GRAN EXPERIENCIA SCOUT

Máis información sobre a Roverway 2018 na súa páxina https://www.roverway2018.nl/en/ e tamén en https://scout.es/?s=roverway+2018

Resultado de imagen de Roverway 2018

Categorías: Clan | Etiquetas: clan,internacional,participación,rovers,Roverway | Deixar un comentario

¡#PonteNosSeusZapatos e colabora!

Publicado o 25/04/2016 por Grupo Scout Chan

Desde o Clan do Grupo Scout Chan 292, queremos facer un chamamento de acción para que nos axudedes nun obxectivo que temos: conseguir calzado para as persoas refuxiadas que o necesitan.

Debido as durísimas e precarias condicións nas que se sobreviven aos refuxiados de guerra que se atopan neste momento en Grecia, no próximo Festival Federal Scout en Mérida propúxose realizar unha macrorecollida de calzado, co fin de envialo a zonas específicas en necesidade.

Aínda que é certo que se realizan continuas campañas de recollida de produtos sanitarios ou alimentos, ás veces esquecémonos doutras cousas que tamén son necesarias.

Esta acción de solidariedade nace da ilusión dos irmáns e irmás scouts do Grupo Scout 109 Monte Clavijo de ASDE – Scouts de La Rioja. Aquí tedes máis información da iniciativa: https://scoutsdelarioja.wordpress.com/2016/04/16/aliento-de-esperanza/

Dende o Grupo Scout Chan 292, queremos unirnos a esta proposta. Por iso ofrecemos, a quen esteades interesados en participar, a posibilidade de doar calzado para esta causa. Os encargados de organizar a recollida seremos nós, o Clan de Rovers.

A recollida estará activa ata o vindeiro xoves 28 ás 20.00. O calzado doado deberá depositarse en bolsa pechada e co número de talla escrito por fóra na Cafetería 25 de Xullo (Avenida Rodrigo de Padrón, n°4. Enfronte á comisaría da Policía Nacional).

O calzado, debe estar en BÓ ESTADO e a poder ser botas de montaña, trekking ou deporte, xa que serán necesarios para usalos durante moito Km. Tamén é recibido calzado máis estival, pero debe ser apropiado pra camiñar.

Pedímosvos que revisedes todo o voso material e sumédesvos a esta causa axudándonos nesta macrorecollida!

Aquelas persoas que non teñan como levar o calzado, ou para calquera consulta e/ou dúbida, podedes contactar connosco neste email: ClanGrupoScoutChan292@gmail.com

¡Moitas, moitísimas grazas á cafetaría 25 de Xullo pola colaboración e a súa enteira disposición a esta causa!

¡Contamos con todos e todas! #PonteNosSeusZapatos #ConstruirUnMundoMellor

A recollida de calzado comezou con moi boa resposta

Categorías: Clan, Grupo | Etiquetas: clan,rovers,servizo,solidariedade | Deixar un comentario

Ruta do Clan polo tramo ferroviario abandoado

Publicado o 17/10/2012 por Grupo Scout Chan

Os rovers ó comenzar a marcha

No pasado mes de xuño, aproveitando a xornada da celebración do II Certame Literario e a tradicional Sardiñada do Grupo Scout 292 Chan, os Rovers decidiron facer unha ruta, percorrendo a pé o tramo ferroviario abandoado entre Santiago de Compostela e Ordes.

Dende tempo atrás se vén falando do posible interese das autoridades municipais de Santiago e Oroso en tratar de incorporar este tramo ó Programa Vías Verdes, o cal conlevaría unha iniciativa moi interesante de reciclaxe dunha infraestructura en desusos, ademáis do fomento do sendeirismo e do cicloturismo.

O Clan quixo comprobar de primeira man en qué estado se atopa a vía desmantelada, por se fose posible e necesario ofrecer unha proposta de servizo voluntario ás autoridades, co fin de axudar a limpar a maleza que podería obstaculizar o paso.

Os Rovers nos deixan algunhas imaxes desta actividade.

Un momento da ruta pola antiga vía ferroviaria

Outro instante desta actividade

Algunhas novas publicadas na prensa sobre este posible proxecto de reutilización da antiga vía:

O Concello encarga o proxecto de Vía Verde para valorar a viabilidade futura (La Voz de Galicia, Dec 2010)

O Concello de Oroso loita por unha Vía Verde (Ecaturaldeas, Xan 2012)

Lembrade que tamén podedes visitar o blog do Clan.

Categorías: Clan | Etiquetas: clan,marcha,rovers,ruta,servizo,vía verde,voluntariado | Deixar un comentario

Lembramos o Certame Literario 2012

Publicado o 24/09/2012 por Grupo Scout Chan

Un intre da lectura dos textos participantes

O pasado sábado 16 de xuño, no marco da tradicional Sardiñada do Grupo, celebramos en Busto a entrega de premios dos dous concursos que se levaron a cabo esta Rolda dende a Biblioteca Chan 292.

En primeiro lugar, entregamos o premio á Manada por ser os gañadores do I Concurso “Lendo entre liñas”. Un premio ben merecido, xa que deron con máis da metade dos textos que había polo local.

Os premiados xunto coa Responsable da Biblioteca

Por outra banda, entregáronse os premios aos gañadores do II Concurso de Contos. Foron moitos os participantes deste ano, que llo puxeron difícil ao xurado á hora de ter que elixir os gañadores. Na primeira categoría, na que participaban os lobatos, a gañadora foi Lúa Valiño por “La magia de viajar”. Na terceira categoría (escultas), Laura Montoya por “India no corazón” e na cuarta categoría (scouters), Fran Gutiérrez por “Desoutra beira”. Ademais, entregouse un premio especial por “Un día na Selva” a Martín Viturro, que nos sorprendeu cun incrible conto que el mesmo converteu en libro e que, ademais de contar unha historia que nos fixo rir a todos, das súas páxinas xorden verdadeiras escenas en 3D feitas a man. Por suposto, despois de recibir o seu premio, os gañadores fixeron a lectura dos seus contos gañadores. Se queredes coñecer estas e todas as demais historias, podedes achegarvos a biblioteca, onde se atopa o libro que recolle todos os contos dos participantes. Libro que tamén lle foi entregado aos participantes e ao xurado, en agradecemento ao seu traballo, na entrega de premios.

¡Grazas a todos polas vosas historias!