Artigos coa etiqueta: festival scout galego

Así foi o #FestivalScoutGalego2015: gañamos!

Máis de 200 nenos, nenas, mozos e voluntarios scouts se reuniron o pasado sábado en Santiago de Compostela para compartir unha xornada de convivencia repleta de actividades, que culminou coa XXXV edición do Festival Scout Galego.

#FestivalScoutGalego2015

IMG_1430
Acudiron os Grupos Scouts 19 (Ferrol), San Jorge 33 e Semente 597 (ambos de A Coruña) e tamén unha delegación do recentemente creado Grupo Scout Tesela 922 (Lugo). O noso Grupo Chan 292 de Santiago exerceu o papel de anfitrión.
Os scouts asistentes foron recibidos no patio do colexio La Salle por Laura Morales, coordinadora do Festival, e Adrián Martínez, coordinador do Grupo Chan, ámbolos dous educadores voluntarios.
Durante a mañá os nenos e nenas máis novos (Castores, Manada e Tropa Scout) puideron desfrutar de xogos tradicionais como as carrilanas, a chave, a rá, a comba, a sogatira, e moitos máis grazas á colaboración da Asociación Galega do Xogo Popular e Tradicional que nos fixo desfrutar como ananos!
Os mozos e mozas de Unidade Esculta e Clan, pola súa banda, aproveitaron a tregua que deu a nosa choiva compostelana para poder realizar unha visita ás cubertas da Catedral de Santiago, onde desfrutaron dunhas vistas espectaculares da cidade.IMG_1475
Xa pola tarde tivo lugar o certame musical nas instalacións que o Colexio La Salle cedeu gustosamente, e tivemos o honor de contar coa asistencia de autoridades como Dª María Begoña Mosteiro Blanco, subdirectora xeral do Instituto da Xuventude de Galicia, e Dª Yolanda Otero Balsa, subdirectora de Promoción e Actividades da Dirección Xeral de Xuventude. Tamén acudiron familiares e amigos dos rapaces.
A pesar de que este ano tan só había 3 cancións a concurso (as dos Grupos San Jorge 33, Chan 292 e Semente 597), o Festival foi moi ameno e emocionante, gracias a participación e colaboración de todos e todas. A presentación do certame foi asumida polo Clan “Tayali” de Rovers do Grupo Chan, que realizou unha serie de fermosos videos para presentar aos distintos Grupos participantes. En cada video se podía observar como os Rovers elaboraban mediante diferentes manualidades as pañoletas de cada Grupo. E así foron sucedéndose as actuacións musicais, no escenario marabillosamente ambientado e decorado polo Comité de Nais e Pais do noso Grupo Chan.
Ao fin chegou o momento da deliberación, que se realiza mediante unha votación na que todos os scouts asistentes poden opinar cal foi a canción que máis lles gustou, tendo a mesma importancia o voto do pequeno e do maior.
O resultado do reconto final das papeletas foi anunciado polo Presidente Scout Xeral, Adrián Rodríguez, e deu como gañadora á nosa canción, e polo tanto teremos a misión de representar ao resto de Grupos scouts galegos no vindeiro Festival Scout estatal de 2016.IMG_1688
E non esquenzades que a semana próxima terá lugar en Pinto (Madrid) o XLI Festival Scout de ASDE-Scouts de España  , no que o Grupo 19 de Ferrol nos representará a todos e todas os scouts de ASDE-Scouts de Galicia, e por iso lles desexamos ¡moita sorte e moi boa ruta!
Advertisements
Categorías: ASDE-Scouts de Galicia, Grupo | Etiquetas: ,,, | Deixar un comentario

¡Chega o #FestivalScoutGalego2015!

cartel XXXV FSG

Despois de moitos ensaios, de moito traballo e esforzos, hoxe, sábado 18 de abril, por fin a cidade de Santiago de Compostela albergará a 35ª edición do Festival Scout Galego da federación ASDE-Scouts de Galicia, reunindo a máis de 200 nenos, nenas e mozos de idades comprendidas entre os 6 e os 20 anos de idade, provintes de distintos lugares de Galicia, e que desfrutarán dunha xornada repleta de actividades que fomentarán a diversión saudable, a convivencia e por suposto o coñecemento dos valores culturais de Compostela.

As actividades máis destacadas das que se desenvolverán durante a mañá inclúen un obradoiro de xogos para os máis pequenos, organizado coa colaboración da Asociación Galega do Xogo Popular e Tradicional. Os maiores, pola súa banda, realizarán unha visita ás cubertas da Catedral de Santiago.

E xa á tarde terá lugar o certame musical onde os Grupos Scouts competirán con composicións orixinais elaboradas polos propios rapaces e rapazas.

Este certame terá lugar no colexio La Salle, o cal cedeu gustosamente as súas instalacións, e contará coa asistencia de autoridades como María Begoña Mosteiro Blanco, Subdirectora do Instituto da Xuventude de Galicia.

Ademáis do noso Grupo Scout Chan 292, que exercerá de anfitrión, participarán os Grupos Scout 19 de Ferrol, o San Jorge 33 e o Semente 597 (A Coruña) e mailo Tesela 922 (Lugo).

Para comentar todo o relacionado con esta xornada, podedes empregar nas redes sociais a etiqueta #FestivalScoutGalego2015

E para que non perdades detalle, aquí tedes o horario da xornada

HORARIO
 ACTIVIDADE
9:30 Recepción de grupos
10:00 Acto inaugural
11:00 Inicio de las actividades:

  • Xogos populares para Castores, Manada e Tropa
  • Visita os tellados da Catedral para Escultas e Rovers
13:00 Ensaios na orde que se indique e comida por Grupos
15:00 Tempo libre
16:00 Chegada das familiase acomodación no salón de actos
16:30 Inicio do certame
18:30 Fin do certame e adeus scout
19:00 Fin da actividade
Categorías: ASDE-Scouts de Galicia, Grupo | Etiquetas: , | Deixar un comentario

Así o viviron os rapaces

Esta é unha breve reseña da vivencia en primeira persoa dos rapaces e rapazas da Tropa Scout do que foi o XXXIII Festival Scout Galego, celebrado en Ferrol os pasados días 2 e 3 de marzo, coa participación e convivencia duns 300 scouts dos Grupos de ASDE-Scouts de Galicia.

Nesta ocasión quen escribe é a Patrulla dos Búhos:

“Ao principio cando chegamos fomos nun barco pola ría de Ferrol. A pesar de que nos mollamos o pasamos moi ben. Despois fomos ao pavillón onde iamos durmir esa noite e os Grupos Scouts nos turnamos a ensaiar.

Fomos ao Festival esa tarde e aínda que non gañásemos ningún premio, divertímonos moito.

Pola noite con todas as tropas xogamos a uns xogos de baile, máis tarde fómonos a durmir aínda que falamos un intre.

Levantámonos ás 09:00 da mañá con tranquilidade. Fixemos unhas danzas para acabar de espertarnos; e eran moi animadas.

Fixemos un xogo de cidade que se trataba de orientarnos na cidade e atopar en grupos uns puntos aos que tiñamos que chegar e facer unha proba. Despois xa era hora de marcharse e fomos ao local en bus comendo unha torta de lambetadas que gañara unha das nais do noso grupo. Esta foi a acampada da canción.”

Patrulla BÚHOS

Categorías: Tropa Scout | Etiquetas: , | 1 Comentario

¿Queres ver a nosa actuación no Festival?

Gracias ao Grupo Scout Hércules 283 podemos desfrutar da grabación en video da nosa actuación no pasado XXXIII Festival Scout Galego.

¡Aquí a tedes!

E neste enlace podedes ver todas as cancións, as actuacións dos 6 Grupos Scouts de ASDE-Scouts de Galicia por orde de aparción en escena.

¡Que o desfrutedes!

Categorías: ASDE-Scouts de Galicia, Grupo | Etiquetas: ,,, | Deixar un comentario

Blog en WordPress.com.