Nestes tristísimos momentos que está a vivir a nosa cidade de Santiago de Compostela polo terrible accidente ferroviario acontecido o pasado día 24 non resulta doado buscar palabras axeitadas para transmitir o pesar que sinte o Grupo Scout Chan por un suceso tan tráxico que sucedeu precisamente cando os nenos, nenas, mozos e voluntarios do Grupo están a desfrutar da ledicia que supón a actividade máis importante do ano, o campamento de verán.
Por iso, imos remitirnos ao comunicado que a nosa Federación ASDE-Scouts de Galicia difundiu recentemente, e ao se sumaron tanto ASDE-Scouts de España e moitas das Organizacións que a compoñenen dende tódolos recunchos de España:
Todos e todas os que formamos ASDE – Scouts de Galicia e connosco toda ASDE – Scouts de España, queremos facer chegar o noso máis profundo pesar ás familias, amigos e achegados das persoas que onte perderon a vida no accidente ferroviario en Santiago de Compostela.
Queremos facer chegar o noso afecto e comprensión a todos aqueles que están a pasar momento duros. Queremos tamén desexar una pronta recuperación a todas as persoas feridas.
Dende aquí invitamos aos nosos asociados a permanecer atentos a calquera demanda de colaboración que poida xurdir dende as autoridades ou as familias (doazón de sangue, aporte de materiais, colaboración técnica, etc.).
ASDE – Scouts de Galicia – Exploradores de Galicia
En momentos tan díficiles cómpre non esquencer unha das reflexións do fundador do Movemento Scout: “Sempre adiante“.
Grupo Scout Chan 292 