Artigos coa etiqueta: clan

¡O Clan organiza un concerto!

2015-06-25 ReCover CLANPoida que non o saibades aínda, pero xa vos avisamos: xa tedes un plan para o vindeiro xoves 25 de xuño o Clan de Rovers Tayali organiza un concerto!

Poderemos desfrutar dunha actuación do grupo ReCover. Será na Sala Moon de Santiago de Compostela, ás 22:00.

Ademáis vos podemos anunciar que se realizará un sorteo entre todas as persoas asistentes

¡Alí nos veremos!

¡Non faltes!

Categorías: Clan, Grupo | Etiquetas: | Deixar un comentario

Un blog que deberías seguir

blog1Xa temos falado en máis dunha ocasión sobre un dos nosos blogs favoritos, pero queremos volver a chamar a vosa atención sobre el e invitarvos a visitalo e coñecelo.

Se trata de Crecer siendo Scout

Un blog creado e xestionado por unha das familias que forman parte do noso Grupo Scout Chan 292. En concreto é unha idea dos pais (Ángeles e Esteban), pero os rapaces tamén colaboran con frecuencia na elaboración dos novos artigos e novas.

Nel podedes atopar infinidade de relatos de anécdotas sobre distintas actividades, resumo de acampadas, aventuras vividas nos campamentos, etc. Sempre acompañados de moitas fotografías e videos. Todo isto dende o punto de vista dos pais, que é o que a moitos e moitas nos parece máis interesante e novedoso. Como valoran os pais e nais a progresión persoal dos rapaces, os valores que van adquirindo a través dos xogos e actividades dos programas educativos do escultismo.

blog2

Pero é que aínda hai máis novidades. Recentemente os intrépidos autores deste blog comezaron a introducir un apartado moi novedoso: entrevistas gravadas en audio a varias persoas vinculadas co Grupo. Dende nenos e nenas de varias idades, a scouters en  activo, scouters de apoio, nais e pais, etc

As persoas entrevistadas explican, dun xeito sinxelo e desenfadado, que lles motivou a entrar nos scouts, que lles aporta, anécdotas, aventuras, retos logrados e futuros proxectos… ¡Moi interesante!

Sen dúbida vos animamos a escoitar os podcast e en definitiva, a non perder de vista este interesantísimo blog, feito con tanto cariño e esforzo..

¡Noraboa Ángeles e Esteban! ¡E moitas grazas polo voso traballo e apoio!

Categorías: Clan, Grupo, Kraal, Manada, Tropa Scout, Unidade Esculta | Etiquetas: ,,,,,,, | 3 Comentarios

Unha Ruta de Servizo

Rovers do Clan Poole do noso Grupo participaron xunto a outros mozos e mozas Rovers doutros Grupos Scouts de ASDE-Scouts de Galicia na #RutaRover2014 que se celebrou durante a pasada Semana Santa.O Clan Poole do GS Chan 292

Nesta ocasión esta actividade programada e preparada polos propios rovers percorreu un tramo da costa lucense, de xeito que os participantes puideron desfrutar dalgunhas paraxes espectaculares como por exemplo a denominada praia das Catedrais, preto de Ribadeo, como se pode ver na seguinte fotografía na que aparece a representación do GS Chan nesta Ruta Rover:

Ademáis de cubrir unha serie de etapas en ruta a pé, se desenvolveron varias accións de servizo, tanto de carácter medioambiental como social, para facer bó o lema dos Rovers: “servir” xa que a súa principal inquedanza, aparte de mellorar nas súas distintas facetas como persoas e cidadáns comprometidos, é tratar de facer todo o posible por mellorar as condicións do seu entorno

 

 

Podedes atopar máis información e máis fotos da #RutaRover2014 na páxina web de ASDE-Scouts de Galicia:

http://scoutsdegalicia.org/2014/04/30/a-ruta-rover-percorreu-a-costa-lucense/

 

IMG-20140414-WA0003

Categorías: ASDE-Scouts de Galicia, Clan | Etiquetas: ,,,,,, | Deixar un comentario

Xa podes contratar aos Rovers para o teu evento infantil

O noso Clan Poole está en pleno proceso de preparación da súa Empresa Rover* e para conseguir autofinanciar o seus costes veñen a propoñernos a toda a gran familia do Grupo así como a amigos e achegados que podemos contar con eles para coidar de cativos como “canguros“, así como  toda unha serie de servizos complementarios relacionados con celebracións e eventos infantís.

Velaquí os deixamos o seu cartel informativo, así como os teléfonos de contacto, que son de dúas das Rovers

CARTEL PROMOCION CANGUROS

Xa sabedes, se necesitades unha canguraxe ou ben necesitades axuda cun evento para nenos e neas, non dubidedes en contar cos mozos e mozas do Clan

*Nota: a Empresa Rover ven sendo o gran proxecto deseñado, planificado e xestionado pol@s mesm@s Rovers, segundo a ferramenta educativa da dinámica de proxectos, e no caso de necesitar financiamento este virá dado por traballos e logros que os propios mozos e mozas acaden e realicen.

Categorías: Clan | Etiquetas: ,, | Deixar un comentario

Blog en WordPress.com.