Artigos coa etiqueta: campamento

¡Scouts de Suíza no noso Campamento!

Outro gran acontecemento no ‪#‎CampamentoScout‬ ‪#‎Fao2015‬ foi algo que supuxo unha novidade total nos 39 anos de historia do Grupo: recibir a visita de scouts doutro país.

O Grupo Scout suízo 80 Jahre Pfadi St. Georg Gossau-Niederwil decidiu sacar adiante un proxecto para organizar o seu campamento de verán deste ano en terras galegas, e a base de moito traballo e esforzo e de recadar moitos apoios, puideron sacar adiante o seu proxecto.

Contactaron connosco por correo electrónico varios mese atrás, e organizamos esta visita, na que aproveitamos para realizar distintas actividades para que os rapaces e rapazas se coñecesen entre sí.

Un dos momentos máis salientables foi o intercambio gastronómico: os nosos visitantes nos agasallaron cunha auténtica fondue de quesos suízos, e nós, coas cociñas ocupadas, puxemos en xogo ricas empanadas 🙂
A xornada culminouse cun intercambio de pañoletas entre os directores de ambos campamentos e unha gran foto de familia.
Velaquí vos deixamos a ligazón da páxina web do seu proxecto e das fotos que fixeron durante a xornada de visita: http://www.espana15.ch/index.php/de/fotos?idx=1&albid=6173731309983069041&back=article

IMG_2505

Categorías: Clan, Grupo, Tropa Scout, Unidade Esculta | Etiquetas: , | Deixar un comentario

¡Temos visita no Campamento!

No #‎CampamentoScout‬ ‪#‎Fao2015‬ recibimos a alegre visita dun grupo de residentes da SARquavitae de San Lázaro, unha actividade de ‪#‎servizo‬ da Manada que xa se está consolidando nos últimos tempos

¡Ata o próximo campamento!

????????????????????????????????????

Aquí vos deixamos a ligazón ao artigo no que comparten a súa experiencia na páxina web de SAR Quavitae

Categorías: Grupo, Manada | Etiquetas: ,, | Deixar un comentario

Un blog que deberías seguir

blog1Xa temos falado en máis dunha ocasión sobre un dos nosos blogs favoritos, pero queremos volver a chamar a vosa atención sobre el e invitarvos a visitalo e coñecelo.

Se trata de Crecer siendo Scout

Un blog creado e xestionado por unha das familias que forman parte do noso Grupo Scout Chan 292. En concreto é unha idea dos pais (Ángeles e Esteban), pero os rapaces tamén colaboran con frecuencia na elaboración dos novos artigos e novas.

Nel podedes atopar infinidade de relatos de anécdotas sobre distintas actividades, resumo de acampadas, aventuras vividas nos campamentos, etc. Sempre acompañados de moitas fotografías e videos. Todo isto dende o punto de vista dos pais, que é o que a moitos e moitas nos parece máis interesante e novedoso. Como valoran os pais e nais a progresión persoal dos rapaces, os valores que van adquirindo a través dos xogos e actividades dos programas educativos do escultismo.

blog2

Pero é que aínda hai máis novidades. Recentemente os intrépidos autores deste blog comezaron a introducir un apartado moi novedoso: entrevistas gravadas en audio a varias persoas vinculadas co Grupo. Dende nenos e nenas de varias idades, a scouters en  activo, scouters de apoio, nais e pais, etc

As persoas entrevistadas explican, dun xeito sinxelo e desenfadado, que lles motivou a entrar nos scouts, que lles aporta, anécdotas, aventuras, retos logrados e futuros proxectos… ¡Moi interesante!

Sen dúbida vos animamos a escoitar os podcast e en definitiva, a non perder de vista este interesantísimo blog, feito con tanto cariño e esforzo..

¡Noraboa Ángeles e Esteban! ¡E moitas grazas polo voso traballo e apoio!

Categorías: Clan, Grupo, Kraal, Manada, Tropa Scout, Unidade Esculta | Etiquetas: ,,,,,,, | 3 Comentarios

Unha visita especial en #Brandomés2013

O pasado mércores 17 de xullo recibimos no noso campamento ‪#‎Brandomés2013‬ unha visita moi especial: un grupo de residentes de SARquavitae San Lázaro que pasaron o día cos nosos nenos e nenas en contacto coa natureza desfrutando de diversos xogos e actividades.
Queda demostrado unha vez máis que as gañas de pasalo ben, de aventura en contacto coa natureza non entenden de idade, e que os nenos e nenas son perfectamente capaces de desenvolver actividades de servizo con trasfondo social axeitadas as súas idades.
Esperamos poder repetir pronto esta experiencia.
Categorías: Grupo | Etiquetas: | Deixar un comentario

Crea un sitio web ou un blogue de balde en WordPress.com.