Artigos coa etiqueta: asde-scouts de galicia

Unha Ruta de Servizo

Rovers do Clan Poole do noso Grupo participaron xunto a outros mozos e mozas Rovers doutros Grupos Scouts de ASDE-Scouts de Galicia na #RutaRover2014 que se celebrou durante a pasada Semana Santa.O Clan Poole do GS Chan 292

Nesta ocasión esta actividade programada e preparada polos propios rovers percorreu un tramo da costa lucense, de xeito que os participantes puideron desfrutar dalgunhas paraxes espectaculares como por exemplo a denominada praia das Catedrais, preto de Ribadeo, como se pode ver na seguinte fotografía na que aparece a representación do GS Chan nesta Ruta Rover:

Ademáis de cubrir unha serie de etapas en ruta a pé, se desenvolveron varias accións de servizo, tanto de carácter medioambiental como social, para facer bó o lema dos Rovers: “servir” xa que a súa principal inquedanza, aparte de mellorar nas súas distintas facetas como persoas e cidadáns comprometidos, é tratar de facer todo o posible por mellorar as condicións do seu entorno

 

 

Podedes atopar máis información e máis fotos da #RutaRover2014 na páxina web de ASDE-Scouts de Galicia:

http://scoutsdegalicia.org/2014/04/30/a-ruta-rover-percorreu-a-costa-lucense/

 

IMG-20140414-WA0003

Advertisements
Categorías: ASDE-Scouts de Galicia, Clan | Etiquetas: ,,,,,, | Deixar un comentario

A cantar no Festival Scout Galego!!

Despois de tantos ensaios, de tanto esforzo para aprender a letra da canción, para coller a boa afinación, para compenetrarse entre os distintos instrumentos musicais… por fin chega!!!!!!!

Logo-XXXIV-Festival-Scout-Galego-2014-x680

Mañá sábado 29 de marzo se celebrará en A Coruña  a XXXIV edición do Festival Scout Galego, unha das actividades mais importantes de ASDE-Scouts de Galicia que promete ser unha nova xornada de convivencia entre rapaces e rapazas scouts de distintos puntos de Galicia, co punto central do certame musical de cancións compostas polos Grupos Scouts.

Nesta ocasión no certame musical participarán o Grupo Scout 19 de Ferrol e os Grupos Scouts San Jorge 33Hécules 283 e Semente 597 de A Coruña, ademáis do noso Grupo Chan 292, por suposto.

Unha das principais novedades da edición deste ano consiste en que os propios rapaces e rapazas poderán votar directamente a canción que máis lles gusta, valorando a música, posta en escena, letra e interpretación. Do resultado da votación sairá a canción gañadora, que como premio terá a oportunidade de acudir ao Festival Scout de ASDE – Scouts de España representando a ASDE – Scouts de Galicia.

Importantes datos para os rapaces do Grupo Chan:

Saída: 8:45 no local Vista Alegre.

Regreso: 19:15 no mesmo sitio

A partir das 16:15 horas abriranse ao público as portas de Auditorio do Colexio Calvo Sotelo, comezando o Festival ás 16:30. ¡¡Estades convidados nais, pais, familiares, antigos membros do Grupo e amigos todos!!

¡Lembrade etiquetar con #FestivalScoutGalego todos os comentarios e fotos que compartades nas redes sociais Facebook e Twitter durante esta xornada de música e convivencia scout!

Moita sorte a todos os Grupos Scouts participantes e moitas grazas ao Grupo Scout Hércules 283 da Coruña polo seu traballo como organizador do Festival este ano!

 

Categorías: ASDE-Scouts de Galicia, Grupo | Etiquetas: ,, | Deixar un comentario

ASDE – Scouts de Galicia convoca o Concurso de Ideas “Imaxina contra a crise”

ASDE – Scouts de Galicia, no seu programa de actividades, desenvolve este ano diferentes iniciativas sociais acerca da difícil situación económica actual. Trátase de accións enmarcadas na Iniciativa Xove que financia a Dirección Xeral de Xuventude da Xunta de Galicia.

Con esta finalidade, ASDE – Scouts de Galicia convoca o Concurso de Ideas “Imaxina contra a crise” que busca fomentar a creatividade para buscar medidas que axuden nesta difícil situación nos ámbitos máis próximos a nós.

No Concurso de Ideas poden participar todos os nenos e mozos galegos, con independencia da súa pertenza á nosa federación scout. Para iso estáblecense dúas categorías:

  • Infantil – Xuvenil (ata 17 anos de idade)
  • Adultos (desde 18 en adiante ou que cumpran 18 en 2013)

Os gañadores de cada categoría recibirán como premio unha Tablet de tecnoloxía Android. Os segundos e terceiros clasificados recibirán un conxunto de xogos ou libros. Para a valoración, o xurado terá en conta criterios de orixinalidade e viabilidade das ideas.

A participación estará aberta ata o 25 de outubro de 2013. Para facelo débese remitir o formulario (xunto a autorización no caso de menores) ao correo electrónico concursodeideas@scoutsdegalicia.org.

A continuación pódese descargar toda a documentación:

Categorías: ASDE-Scouts de Galicia | Etiquetas: , | Deixar un comentario

#KiloScout para axudar a quen máis o necesita

ESX-ActServ2013-KiloScout-DiseñoCarteles.edit

Os scouts de ASDE – Scouts de Galicia buscaremos a solidariedade dos veciños de A Coruña, Ferrol e Santiago para colaborar co Banco de Alimentos o sábado 1 de xuño

Máis de 250 nenos/as e mozos/as impulsarán a “Operación #KiloScout” simultánea en centros comerciais e prazas céntricas 

A dramática situación que viven moitos veciños de Galicia por motivo da crise económica impulsa esta acción da federación ASDE – Scouts de Galicia, en colaboración con Banco de Alimentos Rías Altas. Os scouts galegos botarémonos á rúa este sábado 1 de xuño coa intención de procurar a solidariedade cidadá para colaborar coa aportación de alimentos para aquelas persoas que verdadeiramente o necesitan para comer.

ASDE – Scouts de Galicia organiza así a xornada denominada “#KiloScout” na que máis de 250 nenos/as e mozos/as dos Grupos Scouts da nosa ONGD difundirán esta petición de axuda ante a necesidade de forma simultánea nas cidades da Coruña (Semente 597 e San Jorge 33), Ferrol (Ferrol 19 e Vasco da Ponte 636) e en Santiago de Compostela (o noso Grupo Chan 292).

Deste xeito, en SANTIAGO os escultas e os rovers (de 14 a 20 anos de idade), provistos de petos identificativos, atenderán un punto de recollida de alimentos non pererecederos no hipermercado Alcampo (en Área Central), durante todo o horario do centro de 9:30 a 22:00

Distribuiranse nas entradas para animar aos clientes a que merquen algo de máis para o Banco de Alimentos. Logo, nas caixas, recolleranos e gardaranos para a súa posterior distribución polo Banco de Alimentos Rías Altas.

Por outra banda, os lobatos e tropeiros (de 8 a 14 anos de idade) buscarán a sensibilización da cidadanía para lograr unha colaboración co Banco de Alimentos, realizando nas rúas uns xogos de concienciación e distribuirán folletos explicando a inicitaiva #KiloScout, a acción solidaria do Banco de Alimentos e as posibles vías de axuda.

Asemade, instalarán unha mesa informativa na Praza Roxa de 17.00 a 20.00 horas para que calqueira persoa interesada poida doar alimentos non perecederos.

O obxectivo da acción non se limita a recoller quilos de alimentos o sábado, qué xa de por si é moi importante, senón tamén a xerar unha actitude de colaboración máis continuada co Banco de Alimentos.

¡¡Convidámosvos a todos e todas a participar nesta iniciativa coas vosas doazóns de alimentos, e dándolle a maior difusión posible!!

Moitas grazas

Máis información en: http://scoutsdegalicia.org/2013/05/29/operacion-kiloscout/

Categorías: ASDE-Scouts de Galicia, Grupo | Etiquetas: ,, | Deixar un comentario

Crea un sitio web ou un blogue de balde en WordPress.com.