Artigos coa etiqueta: asde-scouts de galicia

¡Chega o #FestivalScoutGalego2015!

cartel XXXV FSG

Despois de moitos ensaios, de moito traballo e esforzos, hoxe, sábado 18 de abril, por fin a cidade de Santiago de Compostela albergará a 35ª edición do Festival Scout Galego da federación ASDE-Scouts de Galicia, reunindo a máis de 200 nenos, nenas e mozos de idades comprendidas entre os 6 e os 20 anos de idade, provintes de distintos lugares de Galicia, e que desfrutarán dunha xornada repleta de actividades que fomentarán a diversión saudable, a convivencia e por suposto o coñecemento dos valores culturais de Compostela.

As actividades máis destacadas das que se desenvolverán durante a mañá inclúen un obradoiro de xogos para os máis pequenos, organizado coa colaboración da Asociación Galega do Xogo Popular e Tradicional. Os maiores, pola súa banda, realizarán unha visita ás cubertas da Catedral de Santiago.

E xa á tarde terá lugar o certame musical onde os Grupos Scouts competirán con composicións orixinais elaboradas polos propios rapaces e rapazas.

Este certame terá lugar no colexio La Salle, o cal cedeu gustosamente as súas instalacións, e contará coa asistencia de autoridades como María Begoña Mosteiro Blanco, Subdirectora do Instituto da Xuventude de Galicia.

Ademáis do noso Grupo Scout Chan 292, que exercerá de anfitrión, participarán os Grupos Scout 19 de Ferrol, o San Jorge 33 e o Semente 597 (A Coruña) e mailo Tesela 922 (Lugo).

Para comentar todo o relacionado con esta xornada, podedes empregar nas redes sociais a etiqueta #FestivalScoutGalego2015

E para que non perdades detalle, aquí tedes o horario da xornada

HORARIO
 ACTIVIDADE
9:30 Recepción de grupos
10:00 Acto inaugural
11:00 Inicio de las actividades:

  • Xogos populares para Castores, Manada e Tropa
  • Visita os tellados da Catedral para Escultas e Rovers
13:00 Ensaios na orde que se indique e comida por Grupos
15:00 Tempo libre
16:00 Chegada das familiase acomodación no salón de actos
16:30 Inicio do certame
18:30 Fin do certame e adeus scout
19:00 Fin da actividade
Advertisements
Categorías: ASDE-Scouts de Galicia, Grupo | Etiquetas: , | Deixar un comentario

Un blog que deberías seguir

blog1Xa temos falado en máis dunha ocasión sobre un dos nosos blogs favoritos, pero queremos volver a chamar a vosa atención sobre el e invitarvos a visitalo e coñecelo.

Se trata de Crecer siendo Scout

Un blog creado e xestionado por unha das familias que forman parte do noso Grupo Scout Chan 292. En concreto é unha idea dos pais (Ángeles e Esteban), pero os rapaces tamén colaboran con frecuencia na elaboración dos novos artigos e novas.

Nel podedes atopar infinidade de relatos de anécdotas sobre distintas actividades, resumo de acampadas, aventuras vividas nos campamentos, etc. Sempre acompañados de moitas fotografías e videos. Todo isto dende o punto de vista dos pais, que é o que a moitos e moitas nos parece máis interesante e novedoso. Como valoran os pais e nais a progresión persoal dos rapaces, os valores que van adquirindo a través dos xogos e actividades dos programas educativos do escultismo.

blog2

Pero é que aínda hai máis novidades. Recentemente os intrépidos autores deste blog comezaron a introducir un apartado moi novedoso: entrevistas gravadas en audio a varias persoas vinculadas co Grupo. Dende nenos e nenas de varias idades, a scouters en  activo, scouters de apoio, nais e pais, etc

As persoas entrevistadas explican, dun xeito sinxelo e desenfadado, que lles motivou a entrar nos scouts, que lles aporta, anécdotas, aventuras, retos logrados e futuros proxectos… ¡Moi interesante!

Sen dúbida vos animamos a escoitar os podcast e en definitiva, a non perder de vista este interesantísimo blog, feito con tanto cariño e esforzo..

¡Noraboa Ángeles e Esteban! ¡E moitas grazas polo voso traballo e apoio!

Categorías: Clan, Grupo, Kraal, Manada, Tropa Scout, Unidade Esculta | Etiquetas: ,,,,,,, | 3 Comentarios

Presencia do Grupo Chan na VIII Conferencia Federal

Os pasados días 3 a 5 de abril celebrouse a VIII Conferencia Scout de ASDE-Scouts de España. Un evento de máxima importancia xa que nel se definen as liñas e políticas estratéxicas para os vindeiros anos, mediante un proceso de participación e traballo colaborativo entre delegados de todas as organizacións federadas en ASDE.

A nosa federación ASDE-Scouts de Galicia estivo por suposto representada e participando activamente nas dúas ponencias que se propuxeron nesta ocasión: “Novas necesidades = Nova Organización”, que aborda a estrutura da nosa entidade, e “Xestionando a seguridade no escultismo” que desenvolve un sistema de prevención de riscos nas actividades scouts.

Pablo Álvarez (esquerda) e Diego Cobos, Presidente de ASDE-Scouts de España (dereita)

E precisamente no Grupo Scout Chan 292 estamos moi felices e orgullosos do traballo desenvolvido por Pablo Álvarez, xa que foi el quen recibiu o encargo de coordinar a elaboración do documento dunha das ponencias a debate. Esta é a segunda vez na historia que un membro de ASDE-Scouts de Galicia e do noso Grupo Chan asume unha tarefa desta importancia e responsabilidade (na VII Conferencia, en 2012, fora Tanis Villar).

Queremos por tanto agradecer públicamente a Pablo todo o seu esforzo e dedicación para prestar unha vez mais un gran servizo á toda a nosa federación.

Sempre Adiante

Categorías: ASDE-Scouts de Galicia, Grupo | Etiquetas: ,,, | Deixar un comentario

Arrincamos a nova ronda co Foro de Scouters

Esta fin de semana participamos no II Foro de Scouters de ASDE-Scouts de Galicia (#ForoScouters2014 en redes sociais)

participantes no Foro

Este II Foro de Scouters supuxo dúas xornadas cargadas de participación, de ilusión pola nova rolda, de espíritu de servizo e de vivencia do escultismo. Participamos uns 50 scouters dos Grupos 19 e Vasco da Ponte 636 de Ferrol; San Jorge 33 e Semente 597 da Coruña e do Chan por suposto.

Ademais tivemos o placer de contar coa presenza do Presidente Scout e a Secretaria Scout de ASDE-Scouts de España.

Pola nosa banda queremos agradecer a labor levada a cabo no Equipo Scout Xeral saínte polos membros do noso Grupo Chan: Pablo, Iván e Prisco. Asimesmo, felicitar e mostrar todo o noso apoio ao novo ESX, en especial a Nunu e Tania, scouters tamén do Chan 292.
Tamén houbo un momento para unha cerimonias de investidura de distintivos de formación e servizo ao escultismo. Pola banda do Grupo Chan felicitamos a Martín pola súa Insignia de Madeira, a Prisco pola súa IV Madeira e a Pablo por acadar o nivel de Formador de Formadores.

Por último, este Foro será lembrado por ser a ocasión no que a nosa federación fixo entrega por primeira vez dos nosos dous novos maiores recoñecementos ao Servizo prestado por voluntarios, sendo neste caso para dous Scouters do Grupo 19 de Ferrol. D. Juan Jesús Gil recibiu o estatus de “Socio de Honra” polos máis de 43 anos de Servizo como Scouter no seu Grupo; e D. Francisco Vázquez, recibiu o “Trisquel de Prata” máxima distinción da Federación polo seu Servizo no Grupo e en ASDE –  Scouts de Galicia durante máis de 35 anos.

Boa ruta e Sempre adiante!

10644207_832351753471356_287442512821629909_o 10679661_832351636804701_7580272400383140760_o

 

Categorías: ASDE-Scouts de Galicia, Kraal | Etiquetas: , | Deixar un comentario

Crea un sitio web ou un blogue de balde en WordPress.com.