Tropa Scout

¡Ven a coñecernos! Xornada de portas abertas

¡¡XORNADA DE PORTAS ABERTAS DO GRUPO SCOUT CHAN 292!!

No Grupo Scout Chan 292 abrimos de novo as portas do noso local para comezar a nova Rolda Solar 2013-2014
Xa está todo en marcha dende que o pasado fin de semana se celebrase a tradicional acampada de Paso de Ramas que como todos os anos, é o pistoletazo de saída dunha programación chea de actividades de lecer, diversión, aprendizaxe, formación e servizo.
Para este sábado 19 de Outubro preparamos unha xornada de portas abertas para todos os nenos/as e pais que nos queiran acompañar e ver de primeira man como traballamos os Scouts, que cousas facemos, como educamos aos rapaces a través de xogos e actividades divertidas para facer deles persoas comprometidas coa sociedade.

cartelSonChan2013

Para iso, convidamos a todo aquel que desexe coñecernos a achegarse pola tarde a partir das 16:30 e até as 18:30 á nosa sede social no barrio de Vista Alegre en Santiago de Compostela (preme para ver a dirección).

NOTA: Os nenos e nenas que veñan por primeira vez a coñecer os scouts deben cumplimentar a autorización que podedes descargar dende a nova sección da web para descarga de documentos, premendo aquí.

Agradecemos que lle deades a maior difusión posible a este evento.

¡Vinde a coñecernos!

Categorías: Clan, Grupo, Manada, Tropa Scout, Unidade Esculta | Etiquetas: | Deixar un comentario

Acampada da Tropa: preparándonos para o Campamento!

A Tropa realizou unha acampada os pasados días 8 e 9 de xuño. Dende a Patrulla Hurones nos chega unha pequena reseña sobre todo o que fixeron nesta saída:

“O sábado pola mañá ben cedo chegamos a Busto e coma sempre o primeiro que cómpre facer e montar a infraestructura da acampada. Os scouters ademáis plantexáronnos un pequeno reto, construir un banco (usando 2 trípodes) empregando por suposto madeira e corda. Despois do tempo establecido a Patrulla Búhos montara o toldo e a tenda, os Castores montaran a tenda e case o toldo, pero nós, os Hurones o toldo, a tenda e os trípodes.
Logo déronnos tempo para pensar nas partes da Aventura (que é o proxecto que nós mesmos deseñamos e desenvolvemos sen axuda dos scouters) e preparar a comida. Cada un comeu o que cociñou menos os rapaces e rapazas da Patrulla Búhos que comeron sobras xa que o seu arroz estaba duro como unha pedra jajaja.
Despois dun ratiño de tempo libre fixemos unha ruta polos arredores, mentres iamos realizamos unha actividade de biodiversidade na que debimos de ter posto máis empeño.


Ao volver tomamos a merenda un bizcocho que fixera Raul.
Despois realizamos un xogo con 3 partes que cada patrulla realizaba nunha orde distinta:
– Parte 1: Memorizar en 10 segundos un texto e responder a unha pregunta sobre elo
– Parte 2: Realizar nós, todo o mundo tiña que facer todos os nós, nun tempo máximo de 5 minutos.
– Parte 3: Representar con mímica en 10 segundos unha palabra .

A Patrulla Hurones resultou a vencedora deste xogo.
Despois celebramos unha asemblea para organizar a Aventura e o tempo para cada parte.

Posteriormente preparamos entre todos a cea:
Fritimos os ovos o lombo e o beicon; lavamos e partimos a leituga e a froita; cociñamos o chocolate e puxemos a mesa.
Todos gozamos da comida que acababamos de cociñar.

Ao acabar de fregar xogamos un stalking (ou xogo de axexo ou espreita)“Moscas e arañas´´. Este xogo gañouno a Patrulla Búhos.

Á mañá seguinte recollemos as tendas, o toldo e o banco (agás o da Patrulla Hurones).

Finalmente a derradeira actividade consistiu en que cada Patrulla crease unha historia para escoller entre todos e todas un relato para presentar no nome da Tropa ao Certame Literario do Grupo Chan na edición deste ano. Finalmente decidimos que a mellor era a dos Hurones.
Un intre despois viñéronnos a recoller as nosas familias e cadaquén marchou para a súa casa.

Foi un estupendo fin de semana ben aproveitado cunha acampada que nos serve de preparación para o Campamento de verán, que está xa moi preto!”

Categorías: Tropa Scout | Etiquetas: , | Deixar un comentario

Así o viviron os rapaces

Esta é unha breve reseña da vivencia en primeira persoa dos rapaces e rapazas da Tropa Scout do que foi o XXXIII Festival Scout Galego, celebrado en Ferrol os pasados días 2 e 3 de marzo, coa participación e convivencia duns 300 scouts dos Grupos de ASDE-Scouts de Galicia.

Nesta ocasión quen escribe é a Patrulla dos Búhos:

“Ao principio cando chegamos fomos nun barco pola ría de Ferrol. A pesar de que nos mollamos o pasamos moi ben. Despois fomos ao pavillón onde iamos durmir esa noite e os Grupos Scouts nos turnamos a ensaiar.

Fomos ao Festival esa tarde e aínda que non gañásemos ningún premio, divertímonos moito.

Pola noite con todas as tropas xogamos a uns xogos de baile, máis tarde fómonos a durmir aínda que falamos un intre.

Levantámonos ás 09:00 da mañá con tranquilidade. Fixemos unhas danzas para acabar de espertarnos; e eran moi animadas.

Fixemos un xogo de cidade que se trataba de orientarnos na cidade e atopar en grupos uns puntos aos que tiñamos que chegar e facer unha proba. Despois xa era hora de marcharse e fomos ao local en bus comendo unha torta de lambetadas que gañara unha das nais do noso grupo. Esta foi a acampada da canción.”

Patrulla BÚHOS

Categorías: Tropa Scout | Etiquetas: , | 1 Comentario

Rematando o ano nunha carballeira

Como o prometido é débeda, xa podemos ir comezando a contaros algunhas cousas das acampadas que realizaron os nosos rapaces e rapazas scouts durante os pasados días de Nadal.

Comezamos pola Tropa:

Entre os pasados días 28 e 30 de Decembro do 2012, a Tropa Scout do Grupo Scout 292 Chan fixo unha incursión polas terras da comarca de Tabeirós-Terra de Montes, tan apreciada e frecuentada por nós pola beleza e abuncdancia das súas carballeiras.

Coma sempre, os scouts chegaron armados coas súas mochilas, tendas e algún gorro particular que lles axudou a combatir o vento e a chuvia que puxo a proba máis dun toldo mal atado.

Despois de aprender algunhas nocións de orientación partimos cara unha ruta na que a nave rescatadora da Patrulla Castores pouco tardou en botarlles o lazo a unha Patrulla de Furóns accidentados na descoñecida atmósfera terrícola.

Non sen chuvia, esforzo, risas, fotos e camiñar en círculos chegamos de novo ás nosas casas verde canadiense para concluir unha xornada compartindo un colacao que soupo a gloria.

Categorías: Tropa Scout | Etiquetas: ,,, | Deixar un comentario

Blog en WordPress.com.