Manada

Un blog que deberías seguir

blog1Xa temos falado en máis dunha ocasión sobre un dos nosos blogs favoritos, pero queremos volver a chamar a vosa atención sobre el e invitarvos a visitalo e coñecelo.

Se trata de Crecer siendo Scout

Un blog creado e xestionado por unha das familias que forman parte do noso Grupo Scout Chan 292. En concreto é unha idea dos pais (Ángeles e Esteban), pero os rapaces tamén colaboran con frecuencia na elaboración dos novos artigos e novas.

Nel podedes atopar infinidade de relatos de anécdotas sobre distintas actividades, resumo de acampadas, aventuras vividas nos campamentos, etc. Sempre acompañados de moitas fotografías e videos. Todo isto dende o punto de vista dos pais, que é o que a moitos e moitas nos parece máis interesante e novedoso. Como valoran os pais e nais a progresión persoal dos rapaces, os valores que van adquirindo a través dos xogos e actividades dos programas educativos do escultismo.

blog2

Pero é que aínda hai máis novidades. Recentemente os intrépidos autores deste blog comezaron a introducir un apartado moi novedoso: entrevistas gravadas en audio a varias persoas vinculadas co Grupo. Dende nenos e nenas de varias idades, a scouters en  activo, scouters de apoio, nais e pais, etc

As persoas entrevistadas explican, dun xeito sinxelo e desenfadado, que lles motivou a entrar nos scouts, que lles aporta, anécdotas, aventuras, retos logrados e futuros proxectos… ¡Moi interesante!

Sen dúbida vos animamos a escoitar os podcast e en definitiva, a non perder de vista este interesantísimo blog, feito con tanto cariño e esforzo..

¡Noraboa Ángeles e Esteban! ¡E moitas grazas polo voso traballo e apoio!

Advertisements
Categorías: Clan, Grupo, Kraal, Manada, Tropa Scout, Unidade Esculta | Etiquetas: ,,,,,,, | 3 Comentarios

Comezamos!!! Xornada de Portas Abertas!

¡¡XA ESTÁ AQUÍ A XORNADA DE PORTAS ABERTAS DO Grupo Scout Chan 292!!
O vindeiro Sábado 18 de Outubro no noso local tes unha cita con nos para pasar unha tarde chea de aventuras e desafíos.
PORQUE FACEMOS COUSAS NOVAS
PORQUE APRENDEMOS A SUPERAR NOVOS RETOS
PORQUE DISFRUTAMOS NA NATUREZA
PORQUE FACEMOS AMIG@S
PORQUE XOGAMOS
E SOBRE TODO…
¡¡PORQUE O PASAMOS BEN FACENDO ESCULTISMO!!

Para todos os nenos e nenas a partir de 8 anos. Aquí vos esperamos!

PortasAbertas2014 (1)PortasAbertas2014 (2)

Categorías: Clan, Grupo, Manada, Tropa Scout, Unidade Esculta | Etiquetas: | Deixar un comentario

¡Ven a coñecernos! Xornada de portas abertas

¡¡XORNADA DE PORTAS ABERTAS DO GRUPO SCOUT CHAN 292!!

No Grupo Scout Chan 292 abrimos de novo as portas do noso local para comezar a nova Rolda Solar 2013-2014
Xa está todo en marcha dende que o pasado fin de semana se celebrase a tradicional acampada de Paso de Ramas que como todos os anos, é o pistoletazo de saída dunha programación chea de actividades de lecer, diversión, aprendizaxe, formación e servizo.
Para este sábado 19 de Outubro preparamos unha xornada de portas abertas para todos os nenos/as e pais que nos queiran acompañar e ver de primeira man como traballamos os Scouts, que cousas facemos, como educamos aos rapaces a través de xogos e actividades divertidas para facer deles persoas comprometidas coa sociedade.

cartelSonChan2013

Para iso, convidamos a todo aquel que desexe coñecernos a achegarse pola tarde a partir das 16:30 e até as 18:30 á nosa sede social no barrio de Vista Alegre en Santiago de Compostela (preme para ver a dirección).

NOTA: Os nenos e nenas que veñan por primeira vez a coñecer os scouts deben cumplimentar a autorización que podedes descargar dende a nova sección da web para descarga de documentos, premendo aquí.

Agradecemos que lle deades a maior difusión posible a este evento.

¡Vinde a coñecernos!

Categorías: Clan, Grupo, Manada, Tropa Scout, Unidade Esculta | Etiquetas: | Deixar un comentario

Finalistas no Concurso Federal de Curtametraxes

Estamos de noraboa. A curtametraxe “Xogando xunt@s con Momo” elaborada pola Manada do Grupo Scout 292 Chan durante o pasado campamento de verán resultou clasificada como finalista no VI Concurso Federal de Curtas Scouts, na categoría de Castores e Manada.Velaquí tedes o video, colgado na canle de Youtube de ASDE-Scouts de España.

É a segunda ocasión que o noso Grupo participa neste certame anual, e polo tanto supón un gran éxito para o traballo dos nosos rapaces e rapazas.

E ademáis a segunda vez neste certame que unha curta dun Grupo de ASDE-Scouts de Galicia se clasifica para a final.

A curtametraxe dos lobatos e lobatas do Chan resultou escollida entre os tres mellores, o cal supuxo a invitación para dous educandos e máis un scouter do Chan para estar presentes no acto da gran final, en Guadarrama (Madrid) no marco da importante VII Conferencia Scout Federal.

Os lobatos que nos representaron na final do certame, xunto con Bagheera (en pé detrás dos rapaces) xunto co resto da delegación de ASDE-Scouts de Galicia na Conferencia. Moita presencia do Chan 😉

Malia que non puido resultar gañadora do Concurso, os rapaces que representaron ao noso Grupo Chan desfrutaron enormemente coa experiencia emocionante de estar presentes na gran final e da posibilidade de coñecer a scouts de moitos lugares diferentes.

Os lobatos do Chan recibindo o diploma e mailo premio como finalistas, de mans do Presidente Scout Federal (drta) e o Coordinador Federal de Educación Scout (esq.).

Podedes ver máis fotos na nosa páxina de Facebook.

Categorías: ASDE-Scouts de Galicia, Grupo, Manada | Etiquetas: ,,,,, | 1 Comentario

Blog en WordPress.com.