O día 5 de Maio deste 2015 fixemos entrega de 18 kilos de tapóns que xa se nos comezaban a amontonar no Local de Vista Alegre.
Lembrade que se trata dunha campaña de recollida de tapóns para Matías, un neno de Santiago de 7 anos que padece unha parálise cerebral. O noso Grupo Scout leva xa dous anos colaborando con esta campaña.
Todos os fondos recadados coa venda dos tapóns recollidos destínanse para os tratamentos e terapias médicas para intentar mellorar a calidade de vida do pequeno Matías.
Preme aquí para poder ver a mensaxe de agradecemento da nai de Matías trala nosa entrega:
Por outra banda, podes estar ao tanto dos gastos coma da evolución de Matías a través da páxina-facebook do proxecto (ligazón aquí).
Esta é unha historia de superación, esforzo, cariño, dedicación e moitos outros valores cos que o Grupo Scout Chan concorda plenamente.
Pero aínda queda moito camiño para seguir recorrendo así que lembrade: ¡todos os vosos tapóns son valiosos! Xuntádeos na casa e traedeos ao Local calquera día, ao punto de recollida que temos baixo o taboleiro.
Aquí vos deixamos un documento que recolle os diferentes tipos de tapóns que serían aptos para a recollida: https://gruposcoutchan292.files.wordpress.com/2013/05/tipos-tapones-solidarios.pdf
¡¡Os vosos tapóns teñen moito valor!!
Grupo Scout Chan 292 