Como o resto das seccións do Grupo, a Manada tamén quixo aproveitar as vacacións para facer unha acampada.
Aquí nos contan un pouco sobre as aventuras que viviron e o ben que o pasaron:
A manada Seonee viaxou atrás no tempo para chegar ó Antigo Exipto con motivo da realización da Caza elixida por eles.
Baixo o reinado dun novo Faraón, aprenderon a colocarse no lugar dos demais cando tiveron que tomar unha decisión sobre qué facer ca nova pirámide. ¡Pero qué indecisión!
Houbo tamén tempo para descubri-los segredos dos grandes sabios que gobernaban as provincias, insuperables na arte de aproveita-los recursos de que disponían, reduncindo residuos, reutilizando obxectos e reciclando materiais. ¡Así claro que era rico o país do Nilo! ¡Non se malgastaba nada!
Foi sen dúbida unha grande aventura e unha marabillosa ruta, pero o que máis nos sorprendeu foi atopar tantos pelegríns no Val dos Reis… ¡con destino a Compostela! Polo tanto, tódolos lobatos aprenderon ben a amabilidade desta xente, e, aínda que escrito en xeroglíficos desexáronlles a todos… ¡Bo Camiño!
Grupo Scout Chan 292 